أبي أنشـــــد [الأرشيف] - منتديات جار القمر

أسيـــــ حلم ـــــرة

08-08-2002, 02:13:57 AM

أبي أنشد عن اللي ساكن بالي *** عن البعيد اللي من روحي قريب
عن اللي هو منوتي وراس مالي *** اللي بدينه بلسم القلب الصويب
هو الغالي وأغلى من كل غالي *** ودون المخاليق رجيته لي نصيب
اللي عقب فرقاه صار القلب خالي *** قلبي اللي ماعرف غيره حبيب
ياترى هو درى عن اللي جرالي؟ *** والا جرح قلبي عن قلبه غريب؟
درى إن حـــال الظيـم حــالي؟ *** وإن دمع عيني فـوق خـدي سكيب؟
والا حبيب الروح صار اليوم سالي *** لاعاد هو خلي ولاعاد الطبيب!
نسى حبي وقربي.. وأيام خوالي *** أيام سرى حبنا فيها مثل اللهيب
نسى صبري وشوقي.. واحتمالي *** وآمال خضر.. ماهقيت في يوم تخيب
أبشكيه وأصرخ.. يــارب يــاعالي *** يــاعالم بكل مافي الكون الرحيب
خلي هجرني من غير مايبالي *** تركني لوحدتي فهالوقت الصعيب
رحل وخـذ معاه كل مابقالي *** وتركلي همي.. وجروح ماتطيب
"يارب ياسامع رجاي وسؤالي" *** ياللي تفك الضيق ياأحنى مجيب
خبره عن خل ذاكره أيام وليالي *** "يسهر طوال الليل وينحب نحيب"
خله على ذكراي ولايدور بدالي *** ماعادني أقوى.. يكفي القلب تعذيب!

السحيمي

08-08-2002, 02:20:24 AM

مشاء الله حلوه ورائعه جدا تستاهل الرد
انتظريه مني قريب جدا

صوت و صورة

08-08-2002, 06:05:43 AM

بصراحة أختي (( أسيـــــ حلم ـــــرة )) إذا هذي الخواطر

خاصة بك .... فأتوقع لك مستقبل راااااائع بإذن الله (مرحبا)

السحيمي

08-08-2002, 01:57:07 PM

ترى الوفاء يابنت طبع الرجالي = كم من وفاهم طل راس المراقيب
يشكي من همومه على راس عالي = كم عذبه هجر المحبين تعذيب
يابنت انا مايوم وقتي صفالي = اقضي الايام بحث وتجريب
امني النفس الحزينه تسالي = لاعل يفرجها الذي يعلم الغيب
كله سبايب من زهاه الدلالي = اللي مايوم الناس قالت به العيب
كم واحد يشكي بلا حب غالي = يعوي من اسبابه كما يعوي الذيب
وكم واحد جاله بعقله هبالي = امثال قيس ايفيق ساعات ويغيب
والله ياسيرة حلم ياما غدالي = مافادني يابنت كثر التعاتيب
واللي جرالك ياأسيره جرالي = ولوني شكيت الحب للناس مايثيب
قلب العنا يصلاه يابنت صالي = ماتبري اجروح المحبه تطابيب

¤ô§ô الهاااائـم ô§ô¤

08-08-2002, 02:15:34 PM

أبي أنشد عن اللي ساكن بالي *** عن البعيد اللي من روحي قريب
عن اللي هو منوتي وراس مالي *** اللي بدينه بلسم القلب الصويب
هو الغالي وأغلى من كل غالي *** ودون المخاليق رجيته لي نصيب
اللي عقب فرقاه صار القلب خالي *** قلبي اللي ماعرف غيره حبيب
ياترى هو درى عن اللي جرالي؟ *** والا جرح قلبي عن قلبه غريب؟
درى إن حـــال الظيـم حــالي؟ *** وإن دمع عيني فـوق خـدي سكيب؟
والا حبيب الروح صار اليوم سالي *** لاعاد هو خلي ولاعاد الطبيب!
نسى حبي وقربي.. وأيام خوالي *** أيام سرى حبنا فيها مثل اللهيب
نسى صبري وشوقي.. واحتمالي *** وآمال خضر.. ماهقيت في يوم تخيب
أبشكيه وأصرخ.. يــارب يــاعالي *** يــاعالم بكل مافي الكون الرحيب
خلي هجرني من غير مايبالي *** تركني لوحدتي فهالوقت الصعيب
رحل وخـذ معاه كل مابقالي *** وتركلي همي.. وجروح ماتطيب
"يارب ياسامع رجاي وسؤالي" *** ياللي تفك الضيق ياأحنى مجيب
خبره عن خل ذاكره أيام وليالي *** "يسهر طوال الليل وينحب نحيب"
خله على ذكراي ولايدور بدالي *** ماعادني أقوى.. يكفي القلب تعذيب

كتبت الابيات لرائعتها وكاني اول مره اقرئها
تسلمممممممي اسيره على ها الابيات
الي دوى صدها ارجااء المنتدى
مشكوره على مشاركتك الرائعه

وللمعلوميه .. الاخت اسيره متميزه بحسها الفني الرائع وخواطرها
الرومنسيه .. اتمنى منها ان لا تبخل علينا بما لديها
وتعطر سماء المنتدى بروائع ابداعاتها ...

اخت اسيره .. تمنيت اني اول من رد على الابيات ولاكن ما قصروا الاخوان
وجائت ردودهم كا البلسم الشافي ...

مره اخرى .. طلعي المدفون في دفترك اسيره ولا تبخلي على
المنتدى بشي منه ..
ولك كامل التحيه والتقدير ..

اخوي السحيمي صح السانك وعساك على القوه وردك في محله
سلاسه وجزاله ودقه صنع وابيات والا اروع
والاكن هذي الدنيا .. كم من القلوب التي تنزف انهاراً من الدمااء
تحياتي لك واسجل اعجابي في القصيده .

مع الف سلامه

أسيـــــ حلم ـــــرة

09-08-2002, 02:16:00 AM

أنا شكلي بسوي ....
http://smilies.sofrayt.com/1/r/bigdance.gif

أول مشاركه لي في المنتدى وأحصل عليها أحلى ردود .. وفوقها قصيده روعه http://smilies.sofrayt.com/1/4/eek2.gif.......... أنا شكلي بـــ http://smilies.sofrayt.com/1/q/bawling.gif من الفرحه .

إخواني .. ان شاء الله دايما تكون كلماتي ومشاركاتي عند حسن ظنكم .. لتستحق هذه الكلمات المشجعه ...

ولا تخافون ... ماراح أخبي شي للزمن .. بفتح كتاب الشعوذه اللي كنت موزيته عندي وبوريكم كل اللي فيه http://smilies.sofrayt.com/1/c0/evillol.gif... هههههههههههههههههههههههههههههه

أخوي السحيمي .. أنا ما أعرف أجامل أبد .. واللي في قلبي على لساني .. أبياتك عجبتني حييييييييييييييييييييييل http://smilies.sofrayt.com/1/g0/up.gif .. بالتوفيق .

أسيـــــ حلم ـــــرة

13-08-2002, 10:28:08 PM

أخوي العزيز صوت وصوره..

يمكن تظن إني مارديت عليك أو اني تأخرت في الرد.. ولكن ابيك تعذرني وهذا هو ردي أكتبه بكلمات بسيطه لأشكر تشجيعك الطيب .. وإطرائك الجميل...
وماقصرت أخوي على اهتمامك.. وابي اقول انك صج اخجلت تواضعي ..
لكن انا مجرد مبتدئه.. وهاويه.. ولا انظم الشعر او اكتب الخواطر عشان تنشر وانشهر فيها..
بكل بساطه انا اكتب لأنها الطريقه الوحيده اللي اعبر فيها عن مشاعري.. واقدر اني اتواصل مع الناس بلغه سهله ومحبوبح من قبل الكل.. الا وهي الكلمه..
أخوي... تسلم والف شكر مره ثانيه على تشجيعك لي. http://smilies.sofrayt.com/1/r/girlie.gifhttp://smilies.sofrayt.com/1/r/girlie.gif

http://www.realms-of-fantasy.org/artists/Bowser/images/bowser047.jpg

http://floret22.jeeran.com/dream.jpg

السحيمي

14-08-2002, 02:48:14 AM

اسيرة
ودي اكتب قصيدتي الرد عليك في صفحة مستقله
رايك موافقه ام لا

أسيـــــ حلم ـــــرة

14-08-2002, 06:44:54 PM

أخوي السحيمي...

إنت الشاعر.. والأبيات أبياتك..
والقصيده روعه..
والفكره حيل حلوه..

توكل على الله وبالتوفيق http://smilies.sofrayt.com/1/g0/up.gif

_________________

http://www.realms-of-fantasy.org/artists/Bowser/images/bowser047.jpg

http://floret22.jeeran.com/dream.jpg

البحار

14-08-2002, 10:44:39 PM

اختى اسيرة حلم

قمة الابداع منك وهذه اول مشاركة لك فى المنتدى 0

تمنياتى لك بالتوفيق0

بحار0

أسيـــــ حلم ـــــرة

14-08-2002, 10:55:12 PM

أهلا فيك أخوي البحار...

وتسلم وماتقصر على مرورك.. وعلى رايك في القصيده... http://smilies.sofrayt.com/1/r/girlie.gifhttp://smilies.sofrayt.com/1/r/girlie.gif
___________________

http://www.realms-of-fantasy.org/artists/Bowser/images/bowser047.jpg

http://floret22.jeeran.com/dream.jpg

محزم ذهب

12-08-2003, 10:16:48 AM

روووووووووووعه يا اسيره والله قصيدة جميله جدا ورد اخونا السحيمي حلو كثير

صح لسانك ولسان اخونا السحيمي

أسيـــــ حلم ـــــرة

12-08-2003, 07:58:50 PM

ياااااااااااااااااااه..

اخوي محزم ذهب.. ماتصدق شكثر تفاجأت لوجود القصيده من جديد متصدره في الشعر والخواطر.. القصيده لها سنه.. وكانت أول مشاركه لي على الاطلاق !

أتوقع ان هذي بركات موضوع الاخ راعي المحبه للدعايه..

لكن وربي ماتقصر على رايك الكريم اخوي..

وبالفعل.. كان رد الاخ السحيمي عليها جداً رائع..

ألف شكر مره ثانيه..
رجعتني سنه ورى..

ياهلا فيك .

دايم السيف

12-08-2003, 08:26:36 PM

قصيدة رائعة أختي أسوووورة ..
وتبقي البدايات لهاااا موقعها الخاااص بالقلب ..
وهذا أنا أشوووفك فرحانه ومستانسه حيييييل ..
الله يديمها عليك أختي ويوفقك ويطيب لسانك أكثر وأكثر يارب ..
والشكر موصول للأخ السحيمي اللي يفتخر منتدانا بوجود بمثله وشرواااه ..

تمنياتي لك بالتوفيق انشاءالله ..

تحياتي وتقديري لك أختي ..

أسيـــــ حلم ـــــرة

12-08-2003, 08:54:06 PM

اخوي دايم السيف...

انا صج مستانسه لاني ماكنت اتوقع اني بشوف القصيده هذي.. حسيت اني رجعت لايامها.. كني شايفه شخص عزيز كان غايب ورجع :(

مادري شقول..

على العموم الف شكر لك اخوي دايم وماتقصر والله

حادي الروح

12-08-2003, 08:56:46 PM

اسيره ابياتك حلوه شي خيالي.. يقراها قلب المعنى يطيب
اه من الحب مافيه ابد مجالي..لراحة البال دامه غايب الحبيب
ونا اشقاني الحب وكثير امثالي..احد يشكي الفرقا واحد حيل كئيب
وينها اللي هي بحياتي امالي..وينها اللي بطون الحوامل عيت مثلها تجيب
هذيك اللي في حلا عيونها خبالي..ماقدر اقاوم سحر الرمش العجيب
احبها حيل لها مكان بالقلب غالي..عسى ربي يخلي وقت شوفها قريب
يا اسيره خذيها نصيحه بكل الاحوالي..المجافا يخلي الوليف يتحول غريب
والله يعين ع الحب ولا انا ماله ومالي..طريق الحب ذا ما يسلكه اي لبيب

أسيـــــ حلم ـــــرة

12-08-2003, 09:33:39 PM

صح لسانك اخوي حادي الروح..

وان شاء الله ربي يحققلك مطلبك..

ماتقصر والله..

ياهلا فيك

ملك الحب والسلام

15-08-2003, 07:44:50 PM

أنا من المعجبين بما تكتبين يا اسيرة مع أن كتاباتك دائما أليمة وتبث الحزن في الروح ولا تدع العين حتى تبكيها وتطارد القلب حتى تدميه !!!

أما آن الآوان لنرى شيئاً يبهج القلب ويزيل حزنه وهمه ؟

ودمتي لجار القمر.

مجــــــد

16-08-2003, 12:24:23 AM

http://mjd26.jeeran.com/بين%20الفرا.gif

غاليتـــي أسيرة حلــم
أول محاولاتك الشعرية أسرتنا بعذوبتها
ما أروعك عندما يغمر احساسك ركن الوجدان

استمري في بث احساسك فالقادم أجمــل

ملكة الحــب

16-08-2003, 12:47:40 AM

لقد أضأت المكان
نورا
فيا حبيبا رحل
ورحل
أحباؤنا معه
وتركنا ننزف حزنا
ودمعا نكفكف
فمتى العودة
فقلوبنا هاجها الشوق

أختاه
لقد أبدعتي
وأبدع القلم معك

مع تحياتي...

أسيـــــ حلم ـــــرة

16-08-2003, 01:05:06 AM

أخوي القدير ملك الحب والسلام..

أولاً أحب أقدم شكري وامتناني لك على تقديرك لكتاباتي ..
لي الشرف أن أقرأ كلمات تعبر عن مشاعركم تجاه ما أكتب..
وأتمنى دائماً وأبداً إني أكون عند حسن الظن..

ثانياً أحب أقدم اعتذار لك لأن كلماتي تكدرك وتضيق صدرك..
لكن على الرغم من إن قلمي يمشي على هواي.. إلا إن هواي له مزاج خاص فيه.. وهو اللي امشيني تقريباً..
لكن ان شاء الله إني بحاول كثر ما أقدر إني أقلل من (الافلام الهنديه) في كتاباتي .

ألف شكر مره ثانيه..
وياهلا فيك .
_________________

الغاليه مجد..

ماتقصرين عيوني على دعمج المتواصل لي وتشجيعج الدائم..
وربي يقدرني ان شاء الله وأكون مستحقه لثقتج على طول..

ألف شكر.. ودمتيلي .
________________

الاخت العزيزه ملكة الحب..

مداخله رائعه منج اختي..
وكلمات رقيقه وشفافه إلى أبعد الحدود..

ألف شكر عيوني..
ودمتي لجار القمر .