السحيمي
09-07-2003, 01:13:03 AM
يالله يانور السموات يانور = الكون واللي فيه وانت معبوده
فرد صمد والرزق بيديه موفور = مابين حرف الكاف والنون جوده
تفرج لمن قلبه تقل فوق تنور = الشمس من برى وجوى وقوده
هموم في قلبي تلاطم كما بحور = قلب العنا ياليت يقوى صموده
وانا السحيمي مااقبل الظلم والجور = واللي يسوي علم يحضر شهوده
ان ماثبت علمه ولاصار لي دور = ان مااعتذرلي غير اخليه شوده
بين الملا مادام ما نيب مغرور = في يوم يندم من تعدى حدوده
ومن عادتي ماطيع واشي ودنقور = ولا اطرد ورى المقفي بنقصه وزوده
ولاني من اللي يقنعه صيد عصفور = ولا آرد على رسن كثيره وروده
ادور الجزلات واشهر كما صقور = واشرب قراح الماي وآرد عدوده
ادخل مع الابواب ماطمر على السور = دايم على وضح النقا في وعوده
ولاني على بعض المخاليق مجبور = لجل كثير الناس مافيه فوده
ماتبع هوى نفسي ولا اخالف الشور = ولا يشيقني من زين اللبس عوده
ومن شيمتي مابيع لو كنت مغدور = من اللي ليا اغليته جزاني صدوده
ابا اعذره واعطيله ايام وشهور = مهله عسى الميثاق يقرا بنوده
ولو صابني بعض الخطا قلت مشكور = اسامحه من طيب مايوم اكوده
اللي لهم قلبي بساتين وقصور = ولو قيل وشهي منك قلنا عنوده
والوقت ذا ينعم به البس والثور = وايضا به الحصني يرافق اسوده
لونه صفالي يوم لابد مايدور = ماهي على المطلوب بيضه وسوده
وانا اعرف ان الوقت لوطال صيور = تبين لي حدراه والا سنوده
ماهو مدح للنفس والعلم مستور = يحدني بعض الملا في لهوده
هذا وانا لوقلت ياناس مامور = ماهو على كيفي زماني جنوده
تحدني للضيق والقلب مكسور = يضيع من بالصدق يظهر جهوده
نمشي على وضح النقا درب ميسور = والا صفات الكذب غير محموده
واليوم انا من جملة الناس منكور = من وقتنا يامن ينسف جعوده
كم واحديمشي مع الناس مقهور = يضحك غصب والقلب ياناس كوده
متحملا روحه عن الخلق ياسرور = روح السحيمي كيف نقبل عروده
الناس فيها اجناس والخير مخبور = واضح على راعيه روحه ودوده
يسعدك في طاريه بغياب وحضور = له بالخفوق حقوق يوفي عهوده
يزهاه ثوب الطيب مايجيك بقصور = يوم اكتسى ثوبا طويله زنوده
وراع الوفاء والصدق منصور منصور = بعد العنا قلبه يلاقي سعوده
ان غاب والا غبت ماجيه بالزور = بيت الوفاء والصدق يرفع عموده
مايبين اسراره ولا حط ناطور = يخشى تصيب بيوم دمه بروده
ولايشتكي ماصار من لين وعسور = ولو سودت قشر الليالي خدوده
يسرني عرفه وانا منه مسرور = والنفس لهل الطيب ماهي جحوده
ومن شك في روحه لياقيل مسحور = صدق وقال اسباب نفسن حقوده
النقص نقص وكل مطيور مثبور = في ساعة للخلق يظهر سدوده
لاصار مو صندوق جواه محفور = سره ومفتاحه رماه بلحوده
دنيا وسيعه لكن الضيق بصدور = طبع البشروعنها الحقايق شروده
انفوسهم وارواحهم خير وشرور = احد(ن) يقوده خير واحد يقوده
شره على المخلوق والحال ممسور = كنه غليثن نوب ياكل بدوده
ومنهم سوات القاع لو دوم ممطور = ماقط نبت بالقاع واخضر عوده
لو صارت الدنيا له جنان ونهور = مايهتني ورث الطمع من جدوده
واللي ظلموه الناس ماجور ماجور = والخاسر اللي دوم نفسه حسوده
لاشك قول الناس واضح ومشهور = كلا على مشهاه يطرد قعوده
فرد صمد والرزق بيديه موفور = مابين حرف الكاف والنون جوده
تفرج لمن قلبه تقل فوق تنور = الشمس من برى وجوى وقوده
هموم في قلبي تلاطم كما بحور = قلب العنا ياليت يقوى صموده
وانا السحيمي مااقبل الظلم والجور = واللي يسوي علم يحضر شهوده
ان ماثبت علمه ولاصار لي دور = ان مااعتذرلي غير اخليه شوده
بين الملا مادام ما نيب مغرور = في يوم يندم من تعدى حدوده
ومن عادتي ماطيع واشي ودنقور = ولا اطرد ورى المقفي بنقصه وزوده
ولاني من اللي يقنعه صيد عصفور = ولا آرد على رسن كثيره وروده
ادور الجزلات واشهر كما صقور = واشرب قراح الماي وآرد عدوده
ادخل مع الابواب ماطمر على السور = دايم على وضح النقا في وعوده
ولاني على بعض المخاليق مجبور = لجل كثير الناس مافيه فوده
ماتبع هوى نفسي ولا اخالف الشور = ولا يشيقني من زين اللبس عوده
ومن شيمتي مابيع لو كنت مغدور = من اللي ليا اغليته جزاني صدوده
ابا اعذره واعطيله ايام وشهور = مهله عسى الميثاق يقرا بنوده
ولو صابني بعض الخطا قلت مشكور = اسامحه من طيب مايوم اكوده
اللي لهم قلبي بساتين وقصور = ولو قيل وشهي منك قلنا عنوده
والوقت ذا ينعم به البس والثور = وايضا به الحصني يرافق اسوده
لونه صفالي يوم لابد مايدور = ماهي على المطلوب بيضه وسوده
وانا اعرف ان الوقت لوطال صيور = تبين لي حدراه والا سنوده
ماهو مدح للنفس والعلم مستور = يحدني بعض الملا في لهوده
هذا وانا لوقلت ياناس مامور = ماهو على كيفي زماني جنوده
تحدني للضيق والقلب مكسور = يضيع من بالصدق يظهر جهوده
نمشي على وضح النقا درب ميسور = والا صفات الكذب غير محموده
واليوم انا من جملة الناس منكور = من وقتنا يامن ينسف جعوده
كم واحديمشي مع الناس مقهور = يضحك غصب والقلب ياناس كوده
متحملا روحه عن الخلق ياسرور = روح السحيمي كيف نقبل عروده
الناس فيها اجناس والخير مخبور = واضح على راعيه روحه ودوده
يسعدك في طاريه بغياب وحضور = له بالخفوق حقوق يوفي عهوده
يزهاه ثوب الطيب مايجيك بقصور = يوم اكتسى ثوبا طويله زنوده
وراع الوفاء والصدق منصور منصور = بعد العنا قلبه يلاقي سعوده
ان غاب والا غبت ماجيه بالزور = بيت الوفاء والصدق يرفع عموده
مايبين اسراره ولا حط ناطور = يخشى تصيب بيوم دمه بروده
ولايشتكي ماصار من لين وعسور = ولو سودت قشر الليالي خدوده
يسرني عرفه وانا منه مسرور = والنفس لهل الطيب ماهي جحوده
ومن شك في روحه لياقيل مسحور = صدق وقال اسباب نفسن حقوده
النقص نقص وكل مطيور مثبور = في ساعة للخلق يظهر سدوده
لاصار مو صندوق جواه محفور = سره ومفتاحه رماه بلحوده
دنيا وسيعه لكن الضيق بصدور = طبع البشروعنها الحقايق شروده
انفوسهم وارواحهم خير وشرور = احد(ن) يقوده خير واحد يقوده
شره على المخلوق والحال ممسور = كنه غليثن نوب ياكل بدوده
ومنهم سوات القاع لو دوم ممطور = ماقط نبت بالقاع واخضر عوده
لو صارت الدنيا له جنان ونهور = مايهتني ورث الطمع من جدوده
واللي ظلموه الناس ماجور ماجور = والخاسر اللي دوم نفسه حسوده
لاشك قول الناس واضح ومشهور = كلا على مشهاه يطرد قعوده