*ديوان الشعر الشعبــــي*

[مجــــــد]

أعزائي جيران وجارات القمر

لدينا موضوع ( ديوان العرب )يحوي قصائد عربية فصيحة
وهنا سنعرض الوجه الآخر لنفس الموضوع وهو القصائد الشعبية
سأختار شاعر وأكتب له قصيدة ومن ثم سأختار شاعر آخر
ومن يرد بعدي يكتب احدى قصائده ومن ثم يختار هو اسم شاعر
ليرد بعده أحد الأعضاء ويكتب له قصيدة

http://www.jaralqamr.com/vb/images/icons/fball.gif سليمان المانـــع http://www.jaralqamr.com/vb/images/icons/fball.gif

شاعر شعبي معروف وله قاعدة جماهيرية كبيرة
له اسلوب فريد في الكتابة واحساسه جياش لدرجة جذب الجميع لقصائده
وهو القائل

ياشينها لا صرت بين اختيارين
مستقبلك والا حبيب تـــوده


اطلع هنا لبعض آراء القراء فيـــه (http://www.anhaar.com/abwaab/showcat.php?catid=23)

واستمع هنا لإحدى قصائده (http://www.shathaaya.com/alash3ar/sulayman/aadam.ram)

وهنا يمكنك حفظها على جهازك (http://www.shathaaya.com/alash3ar/sulayman/aadam.rm)

وهنا رابط لبعض قصائده (http://www.angelfire.com/tv/alsail/sleman.htm)


http://mjd26.jeeran.com/beautgold.gif


من ألبس عيونه ظلام المدينة؟=وهو الفضول بنظرته ماله أبعاد
يغوص باوراق السنين الحزينة=وميعاد يولد كل ما مات ميعاد
بعثر على درب الأماني سنينه=تضحك عليه بلاد ويلوذ ببلاد
وين الأمل؟وين السعادة ووينه؟=يقوده الوقت الرمادي وينقاد
يفتح عيونه ما تحده مدينة=يرسم من الأول لنظراته أبعاد


http://mjd26.jeeran.com/beautgold.gif

الشاعر القادم(الوافـــي**محمد البراهيم)
لستم مطالبين بكتابة نبذة عنه فقط قصيدة
http://mjd26.jeeran.com/20[1].mid

[دايم السيف]

http://www.alwaafi.com/alwafi_life/shaikh_ibrahim2.jpg

ولد الشيخ الشاعر محمد بن ابراهيم بن عبد العزيز ال ابراهيم في مدينة الرياض في اسرة كريمة يملأ جوها التربية الفاضلة والسلوك القويم ، فجده ووالده - يرحمهمـا الله - عاصرا الملك عبدالعزيز بن عبدالرحمن آل سعود طيب الله ثراه وكانا من رجـاله المخلصين وافنوا حياتهما في خدمة هذا الوطن الغالي وقيادته الحكيمة.


أبســرج لك خيـول الشعر وخـيول الغلا لرضــاك
و انــا عندي رضاك إلى حــصل ياشوق يكفــيني

ســلام الله على شوفك ســلام الله على طريـــاك
تذكــرتك ونار الشــــوق وســط القلب تكويني

غلاك اللي سكــن روحي علـى كل البشــر عـلاّك
وعلى مــن حبتـــك روحه تدلل يانظر عيـــني

أنا مــرخص لك الغالي وكــل اللى تبي يــــفداك
أنــا يزعلــنى اللي يـــزعلك وارضاك يرضيني

أبا عيش الغــلا واهـــيم من دنيـــاي في دنياك
لعلك مـــا تعيش بحــــالتي وانته مجافـــيني

و اظن اللي بقلـبي يا عـــديل الـروح ما يخفــاك
ولكـــــن التـعب يــاشـوق عاده للمحبــيني



أختي مجد .. ألف شكر لك علي المجهود الرائع اللي تقومين فيه ..وربي يوفقك انشالله ..

تحياتي وتقديري لك ..



الشاعر ( حامد زيد )

[أمــير الغــرام]

شاعر رائع نتوه في بحر كلماته يجيد كل أشكال وفنون الشعر قال إنني كتبت الشعر الشعبي لان حبيبتي لا تفهم الفصحى شاعر يفجر أحاسيسنا ونقف عند كل بيت بقصائده نصفق له إعجابا الشاعر عبد الرحمن بن مساعد الأمير المتواضع الذي دخل قلوب الجميع ربان مركب الشعر ..فدعونا نبحر معا في بحر كلمات

شبيه الريح

شبيه الريح ..
وش باقي.. من الآلام ..
والتجريح
وش باقي من الأحلام..
وش باقي من الأوهام..
غير إني.. ألاقي في هجيرك في..
ألاقي في ظلامك ضي..
وأوقد شمعتي في الريح
شبيه الريح..
إذا تسمح بغيب شوي..
أبجمع همي الباقي..
وأدفن صبري الذابل.. في أوراقي..
وابرجع لك..إذا باقي في نفسك شي
شبيه الريح
أنا مقدر أكدر صفوك العاصف
شبيه الريح ..
أنا من لي سوى إحساسك الجارف..
بقايا زيف أشواقي..
سما أمطار أحداقي..
شبيه الريح.. وش باقي ؟
أبي أعرف..
متي تسكن رياحك؟
وابي أعرف ..
غرورك هو متي يطلق سراحك؟
وابي أعرف..
متى تعصف..
متى تعطف..
متى تترف جراحك؟
وابي اعرف إذا باقي في بحرك..موج..

[مجــــــد]

أخـــي العزيز أمير الغرام
أهلا بك جارا جديدا للقمر وأهلا بك في زاوية الاحساس
يبدو أنك لم تنتبه للرد الأول
في آخر ردي طلبت كتابة قصيدة للوافي وقام أخــي دايم السيف بالكتابة
وفي نهاية رده طلب كتابة قصيدة لحامد زيد والمفروض أن تكتب أنت القصيدة
ثم تختار لنا شاعر نكتب عنه
المهم.. اتحفتنا بأجمل قصائد شاعر البسطاء
ونتمنى أن تكون عرفت طريقة الموضوع
وأهلا بك مرة أخرى

أختـــك مجـــد

*قصيدة لحامد زيد*
http://mjd26.jeeran.com/beautgold.gif


تمادي وأنا مثلك تماديت بهجر وبعاد
وكلٍ مثّل عناده خفوقٍ ثابتٍ صامد
وإذا عندك بعادي عيد ترى عندي جفاك أعياد
وعسى طول الجفا مني يليّن قلبك الجامد
أبضحك وأظهر البسمة ولو إن الجروح اجداد
وترى قلب الحريقة ضو ولو وجه الحطب رامد
بكون أكبر من الغلطة وبعلن للهوا ميلاد
إذا كان الخطا منك مجرّد ثورة الخامد
وإذا كان الجفا منّك مسافات وغلا وعناد
تراي أكبر من عنادك وقولي قالها حامد


http://mjd26.jeeran.com/beautgold.gif

الشاعر المطلوب(طلال السعيد)

[نديم الليل]

طلال السعيد

قالت بدو
صدت وقالتها بقرف
بنت الأكابر والترف
متكبره متعاليه
يعني بدوي يقعد طرف
والمعنى دون المستوى
ماحنا وياها سوى
حنا بنظرها من نكون
ريشه يطيرها الهوى
بمفهومها حنا: عدد
رقم ولا اكثر بعد
يعني مجرد تكمله
والا اهي اصل البلد
قالت : بدو
تعني صفر على الشمال
هذا على احسن احتمال
تصدر حكم ماتلتفت
تحكم ولا تترك
مجال
قالت بدو
متصورتني باستحي
واترك مكاني وانتحي
تفاجئت .. تغيرت .. تلعثمت
ماتدري اني ابفتخر
لي الفخر
حنا بدو
حنا عمى عين العدو
حنا البداوه وضعنا
واهل الوفا هم ربعنا
حنا نتفاخر باصلنا
يابنت هذا طبعنا
ماهي بداوة تليفزيون
والا مسلسل اردني
بس بدوي بالمكرفون
ولا هد سيفه ينثني
ولا بدو بيت السدو
حنا البدو
حنا بداوتنا الاصل
بالقمه حنا مو اقل
حنا بداوتنا تراث
من جيل الى جيل انتقل
حنا معاني ساميه
نروي السيوف الضاميه
نرد المنايا ما نهاب
لو هي سعاير حاميه
حنا بدو
حنا البداوة عيدنا
ماناكل الى صيدنا
مانعيش عالة مجتمع
نموت مانمد ايدنا
حنا بدو
حنا البداوه بدمنا
مانسمي احد عمنا
حتى ولو منهو يكون
لو هو زعل ماهمنا
حنا البدو
حنا البداوة عمرنا
محداً بيصبر صبرنا
لانها مصنع للرجال
نمشي وتمشي بامرنا
حنا البدو
حنا البداوة اصلنا
وحنا البداوة فصلنا
حنا بدو متماسكين
وهذي نتيجه وصلنا
يابنت يالي تضحكين
قلتي بدوي تستهزئين
غرك لباسك الاجنبي
المشكله ماتعرفين
ان البدو اصل العرب
تبغين هالكلمه طرب
صارت نشب
ياانسة .. ياعانسة .. ياضايعه ومستانسة
ياتارسه وجهك صبغ
ياتارسه عينك شدو
حنا البدو
ولو كان قلتيها بقرف
لنا الشرف
انا بدو
حنا البدو
حنا بداوتنا شيم
دين وقيم
طيب وظفر
معنى كبير ما اظن مثلك
يعرفه
لو تدعين المعرفه
شيء عسير
ما اظن مثلك ياصله
صعبه ولاهي حاصله
كلمه بدو
تعني التمسك بالجذور
ماهو التخلف والجهل
ولا بعد حب الظهور
ولا التنكر للاهل
كلمه بدو
تعني الشمم
فعل وكرم
مبدى حضارات الامم
حنا القمم
نار على راس العلم
يشهد لنا سيف وقلم
وان كان ماعندك خبر
لنا الفخر
لو عشنا ببيوت شعر
عيشت الم عيشت فقر
عيشه تعلمنا الصبر
مانقترض لاجل السفر
ونحسب ايام الشهر
مانفترض ونعيش واقعنا بحذر
وبالضيق نرخص بالعمر
نشرب من الماي الهماج
ونكحل نواظرنا بعجاج
وغسيلنا حفنه رمل
اهي الدواء واهي العلاج
عيشت رضى ماهي نكد
مافيها تعقيد ابد
ساعات مافيها ذرى
يكفي نتلحف بالنجوم
وفراشنا رمل الثرى
وسراجنا نور القمر
لامن ظهر
ونام من عقب العشاء
ونصحى قبل وقت الفجر
نؤمن بقضانا والقدر
ماهو كسل
ولا نعيش ابلا امل
نملك طموح علم وامل
ونرعى الابل ونرعى الغنم
ونعزف من الونه نغم
ونتابع اخبار المطر
وندور الروض الخضر
ونسرى ورى
برق سرى
ولا نتراجع للوراى
نبحث عن المرعى العشيب
ومن شعيب الى شعيب
مانستقر
عنوانا كل الديار
تجوالنا ليل ونهار
نعيش عيشه هاديه
وهذي حياة الباديه
سنه الربيع
سنه الدهر
ورغم الفقر
نخاف من قوله افا
ونتعب على قول نعم
ونعيش عالين الهمم
من فضل ربي مانخون
نرعى الذمم
ونركض ونتعب ما نمل
محنا مثلك لا شغل
ولا عمل
ماغير بس اكل ونوم
ومن الشحم ضاقت عباتك والهدوم
يااسمن انواع الحريم
ياعايشه على الرجيم
ياانسة .. ياعانسة .. ياضايعة ومستانسة
ياتارسه وجهك صبغ
ياتارسه عينك شدو
حنا البدو
يالي تقولين بدوي
انا بدوي ولي الفخر
اني بدوي
عزمي قوي
مااخون
ماابوق الخوي
يبدا نهاري بالصلاه
واصارع امواج الحياه
ماضاقت الدنيا ابد
ولاني من اصحاب الحسد
ارفع ايديني للسماء
واطلب من الله واستخير
ماقول يمكن ربما
ولا يصير ولا مايصير
محافظ على الخمس الفروض
واضح ولا احب الغموض
ولا اتلون والتوي
لاني بدوي
متمسك باصالتي
ولا اغير لهجتي
انا بدوي
في فزعتي
وفي قومتي
وبقعدتي
وفي مشيتي
وبجلستي
وفي كلمتي
وبنخوتي
حتى عقالي
ولبستي
ولو قلتي عني فوضوي
ما ضرني
بالحيل يابنت بدوي
ويسرني
اعرف من انتي .. ومن انا
والفرق واضح بيننا
تدرين وادري من اكون
ويكفينا نعرف بعضنا
انتي مثل عمر الزهور
ومالك عمر مالك سنين
شهرين ويجيك الجفاف
وتذبلين
وتصبح الوانك باهته
وانا جذوري ثابته
ماخذ من الصحراء الهدوء
وان كان هذا يسعدك
حطي على راسك يدك
هالمره لاقلتي بدو
ياتارسه وجهك صبغ
ياتارسه عينك شدو






الشاعر المطلوب

ســــعــــــود بن بــــنــــــدر

[دايم السيف]

http://www.geocities.com/ksastars/sauds.jpg



سعود بن بندر بن محمد بن بن عبدالرحمن ال سعود حفيد الملك عبدالعزيزهو الابن الاكبر للاميره البندري بنت عبد العزيز خريجة مدرسة الملك عبدالعزيز تلك المدرسه التي عنيت بتربيه الاخلاق الحميده والمثل العليا والمحبه والاخاء واحترام الكبير هذا كله انعكس في تربيتها لابناءها ولكن تظل شخصية الامير الراحل سعود بن بندر هي الاميز ليس بين اسرته فقط بل بين شباب جيله وعصره كان رحمه الله يقدم النصيحه لامه واخوانه وجميع من حوله يمد يد العون لكل محتاج ضرب اروع الامثله في المواقف الانسانيه واعمال الخير هو امير القلوب ان صح التعبير سعودبن بندر رحمه الله كان ولازال من ابرز رموز الشعر في تاريخ الجزيره العربيه كان رحمه الله اذ قيل له 000شاعر 000 يقول انا لست بشاعر ..


قالوا تحبه ،،،

قـالوا تـحبه قـلت ماهوب بالحيل
بـس انه أغلى شوي من نور عيني

يـسوى جميع الجيل الأول وهالجيل
أحـبـائي الـمـاضيين والـمقبليني

شوقي له أعظم من ظما الأرض للسي
وأشـفق عـليه أكثر من أم الجنيني

وأحـتاج لـه حاجة ثرى مصر للنيل
وعـليه أغـار ولو من ما للوالديني

أشـتاق لـه شـوق الـمحبين لليل
وأرتـاح لـه راحـة دموع الحزيني

لا صـار جـنبي لو سنه وقتي بخيل
ولا غـاب لو لحظات صارت سنيني

قـالوا يـحبك قـلت هـذا هو الويل
مـا ودي أنـشد ثـم رفـضه يجيني

وأهـدم رجـأي بدبرتي مثل ما قيل
والأفـضل أحـيا بـالأمل لو لحيني

يـا حـبكم يـا نـاس لـلقال والقيل
والأمـر لـو سـهل يـصبح مهيني

خـلوني أحـيا في الوهم يا عواذيل
وش دخـلكم والأمـر بـينه وبـيني



((( صــــــــدي الحرمان )))

[مجــــــد]

أشكر كل من تجاوب مع الموضوع
وأتمنى التواصـــــل

برحيــل صدى الحرن اهتزت كل القلوب
التي نبضت بحبها واعجبت بمسيرتها
رغم عجزها الجسدي إلا أنها كانت مثال للشخصية العظيمة
ورغم تخلي الجميع عنها
أحد المواقع كتبت عنها فقالت:

http://www.geocities.com/HotSprings/6633/intro.gif
صدقونــي أنني بكيت وأنا أكتب قصيدتها هذه
قمة التأثيـــــر
http://mjd26.jeeran.com/beautgold.gif


متى تجمعني الفرحة عى درب الهنا وياك
متى نروي عطش عمرمضى لو طالت الغيبة؟
متى تتعب من معاند زمان يعتزم فرقاك
لو انك تلحقه ماشفت في محياه ترحيبه
معك عمري حلم ابيض تخيلته ولا يخفاك
تبي ترجع لاجل قلبي قدومك لي يهلي به
تعب قلبي من الذكرى ولا يمكن بيوم انساك
عليك الماضي المحفوظ تقراني مكاتيبه
تحملت الجراح ونقمة العاذل علىيمناك
ولونت الورق بآخر دموع الحزن والخيبة
تدارك منتهىدربك يجوز يخونك الادراك
وتفقد في مشاويرك ألم قلبي وتعذيبه
تبي ترجع بتلقاني يهزني الشوق لملاقاك
تبي تقفي ماراح تلقى مثل قلبي بهالطيبة


http://mjd26.jeeran.com/beautgold.gif
وهذا رابط لإحدى قصائدها (http://www.jaralqamr.com/wjdanyat/sada_al7rman/sd_id=1.html)
الشاعر المطلوب مساعد الرشيدي

[بلقيس]

سألني من أحب اكثر

صدى الحرمان

ومن في صوته اتأثر
ومن هو فارس احلامي
ولمين اتعذب وأسهر
بغيت اجاوب عيونه واقول بكل صراحة وحب
اني فيه مفتونه
وانه ساكن اهدابي
واول واخر احبابي
صرخ بي
وقال لي : قولي
كفاية لعب بأعصابي
سرحت
وقلت له : تصــــــور
أهو اسمه مثل اسمك
ورسمه يشبه لرسمك
وله نفس ابتسامتك
ونظرة عينه مثلاتك
لأني كل ما طالعتك
أهيم بليل نظراتك
وتقريبا مثل طولك
وصوته فيه من صوتك
يداعب مسمعي وأرحل
لدنيا مالها آخـــــــر
ويستعمل نفس عطرك
والمسباح والساعة
وسألته في خجل ظاهر
عرفت ألحين؟؟؟
وصار يتلعثم المسكين
وقال لي : للأسف لحظة
تخيلت اني المقصود
بس اليوم بالصدفة
غيرت العطر
وحطيت بداله
دهن العود

خالد المريخي

[أمــير الغــرام]

اسم الشاعر غير واضح

الظاهر انه خالد المريخي

[أمــير الغــرام]

الشاعر خالد المريخي



الشاعر خالد المريخي شاعر كويتي ينتمي إلى جيل الشباب قدم الشعر النبطي بطريقة سهلة سلسة وخالية من التعقيد ولذلك أحبه الجمهور الخليجي من عمان وحتى الكويت ويمتاز المريخي بصوته المميز في الإلقاء وطريقته الغير عادية في قراءة القصائد وهذا خلق له قاعدة جماهيرية عريضة كما أن كلماته مؤثره وتمتاز في أغلبها بالقوة والشدة وله العديد من الأغراض الشعرية المؤثرة مثل قصيدة الأم والأسير ..

[مجــــــد]

أعزائـــي
أتمنـــى من كل من يضيف رد أن يكتب في الأخير
اسم شاعر لنكتب عنــــه
تحياتـــي لجميع المشاركيـــن

[أمــير الغــرام]

أسف ياشباب والله مو قصدي
على العموم الشاعر :طلال بن عبد العزيز الرشيد

[دايم السيف]

http://www.alshamsi.net/sh3r/a1.jpg
طلال الرشــــــــــيد



اللقــــــــــــب

يــا صـغـيّـر مـــا يكـبـرنـي لـقــب
وما يصغرنـي إذا انكرنـي صغيـر
ما خذينا الصيت من جمع الذهب
ولا نسابـة شـيـخ او قـربـة وزيــر
كاسبينه من هل السيف الحدب
الجنـايـز كــان مــا جـــاك الـنـذيـر
صيتهـم نجـم ٍ علـى رأسـه لهـب
سمعوا الصقهان به واجهر ضرير
بالـوفـا تـاريــخ أبـيــض ينـتـصـب
لا حكـوا بالـحـق حيـيـن الضمـيـر
ضيغمـيـن للسناعـيـس انتـسـب
لابــةٍ طـلـنـا بـهــا عـــرش كـبـيـر
عنـد حـدك يــا كثـيـر الـهـرج تــب
لا تـمــر الــنــار وثـيـابــك حــريــر
كــان لــك عـــز بـذلــي فتـعـقـب
والله ألا تبـطـي وحبـلـك قـصـيـر
احسبـنـك مــن صنـاديـد الـعـرب
واثــر ساتـرتـك عبـاتـك يــا غـريـر
ما حسب للسوس زراع القصـب
والقـراده مــا درى عنـهـا البعـيـر
ولـو حسبنـا للحسايـف والتـعـب
مـا بذرنـا يــا العصافـيـر الشعـيـر
عـن هللـك ابـراي لله واحتـسـب
الرجـال الـلـي مجـارهـم عسـيـر
من قريش المصطفـى وابولهـب
والدغالب ما غشت عذب الغديـر
للرجـال مــن الرجاجـيـل العـتـب
والزكـاة تحـل فـي حــال الفقـيـر
لعنـبـو وقـــتٍ غديـنـابـه حـطــب
تـحـرقــه نــــار يـثـورهــا اجــيـــر
ما ألومك والزمن سـوى العجـب
هـو بقـى غيـر الكرامـه بالجفـيـر
مـا أذل وراســي يـشـم المـهـب
لـو بقـى مـن شمـر طـفـلٍ غـريـر
مــا اهــاب ولا يزلزلـنـي غـضــب
الشجـاعـه ورث الـعـاقـل غـزيــر
يــا صـغـيـر مـــا يـكـبّـر باللـقـلـب
غير من هو كان من دونـه صغيـر




((( محمد بن لعبــــــون )))

[قيدوم]

محمد بن لعبون
+++++++

غرامي ليه ماتسلي علاما "=" بك الليعات أو صابك هياما

أو الديجور لما أضفى جناحه "=" قزت عيني اذا المخلوق ناما

الى منه بغت عيني تهملج "=" نفاه الهم وانزاح الملاما

اعالج فكرتي بالهون واعذل "=" وقلبي ناح واشتد الغراما

تزايد بي هوى بالقلب وانحل "=" بجسمي والهوى بالقلب هاما

انا المفجوع يامشكاي فيني "=" يخجل لشمس في نوره الى ما

تبين حسنه المكنون واسفر"="على العالم كما بدر التماما

الى منه نوى قتلي بساعه "=" نهض طرفه وسلهم ياسلاما

تكسر لي بلب الصدر عبره "=" واهل الدمع مني بانسجاما

تشبه لي يفكر لي لكنه "=" صفات الحور او در يتامى

وبثغره خيط شبه القوس لولو"="وعينه سل لي فيها حساما

نعيم القد صافي الخد حبه"=" سطى بالقلب وأرث بي سقاما

سواد الخال في صفحة iبياضه "="على خد زها نقش الوشاما

وشخصه كنه الريم المعزل "=" وسواد مجدله مثل الجهاما

وكشحٍ هاضم وكتفه وردفه"=" كما طعسٍ تلبده الغماما

والى منه تكلم ذاب قلبي "=" ذريب النطق منحوب العماما

وكف طاب يزهى له بنانه"=" خضاب الطيب مع ريح الخزاما

وحمر بالمذارع يذبحني "=" وبحيده خمسة عقود تماما

زها حسنه رياح من جماله "=" بزهر الروض زاهيه الزماما

وهو يزداد في غاية دلاله "=" وانا مهموم ليعاتي عظاما

ألا ياحادي الاضعان ارفق "=" تحمل له تحيات وسلاما

على المحبوب لوهولي تنوى "="لقتلي والقتل فعله حراما

ومع ذا ياهل العبرات دنوا "=" لنا عشر من الهجن الهماما

أباصل من محني في وداده "=" ودمع العين في خدي نظاما

أباصل من ذبحني وامتحني "=" وحبه بالحشا بنى خياما

تمام القول آخرها نصلي "=" على لمختار ماناح الحماما

++++++++
الشاعر المطلوب:عبدالله ابن عون

[دايم السيف]

عبد اللــــه بن عون


يامل قلب يسج وفيه دولاجــــــــــــه
من هاجس بالضمايرقام يدرجـــــــها

في معزل عن جميع الخلق وازعاجه
ما اسمع من الناس لوتكثر لجـالجها

ماغير اهوجس تقول مضيع حـــــاجه
آخذ واسند على روحي واهرجــــها

وادوج لوكان مارجلي بدواجــــــــــــه
ادلّه النفس لين الله يفرجـــــــــــــها

يالله يالي بيدك الضيق وافراجــــــــه
ياخالق الخلق ياقاضي حوايجـــــــها

تفرج لعين الذي أغفت بســــوهاجه
تجهز عليها الطواري لين تزعجــــــها

بالصدر ضيقه ونوم العين هـــــملاجه
عيني من العام والسهر متولـــــجها

نوب سهرها شديد ونب نهاجـــــــــه
ومر تكن الدموع ومر تزعجـــــــــــــها

عليك ياللي بقلبي كن وهاجـــــــــه
وهاج نار هوى الغربي يسارجـــــــها

أبو ثمان تشاد اللولو لعاجـــــــــــــــه
كن البرد يوم يضحك في مفالـــــجها

ياروح روحي وجرح القلب واعلاجـــه
الطف بحال عليك الهم ساهجــــــها

قلبي يناجيك بسلوب الهوى .. ناجه
يشكي لك الحال داخلها وخارجـــها

اما التفت لي وتم الوصل بمواجـــــه
والا بلا عشرة هذي نتايجـــــــــــــها

وش ينفعك من حنين القلب وخلاجه
وجروحي اسبابها انت ولا تعالجـــها




((( راكان بن حثلين )))

[بلقيس]

راكان بن حثلين
يا مـا حلا الفنجـال مـع سيحة البـال
فــي مـجلسن ما فيــه نفسه ثقيـله
هـذا ولــد عـم وهـــذا ولـد خال
وهذا رفيق مـا لـقـيـنـا مـثـيلـه
يـا لـيـت رجـال يـبـدل بـرجــال
ويا ليت فـي بــدلا الـرياجيل حليه
يـا بـو هـــلا طير الهوى خبث البال
الطـيـر نـزر والـحـبــارى قـليله
يـا الله يـا الـلي طـالبه مـا بـعد فال
يا اللي مــن الضـيـفـات نجى دخيله
أفــرج لـمـن قـلبه غـدا فيه ولوال
والنوم ما جـــــا عـيـنه الا قليله
لا مـن ذكـرت ارموس عصر لنا زال
شـوف الـفياض وفقد عـــز القبيله
يـا زيـن شدتهـم آليـا روح الـمـال
يتلـون بـراق حــقــوق مـخيلـه
يســقـى خصيـفا والثمان أرضها سال
مـرتـع معطره السيــــوف الصقيله
عـجـمـان لا ركـبـوا على كل شملال
يفرح بهم راعـــى الـنـياق الهزيله
مـن جــو سـاقـان إلى السيف همال
وينوش حسنــــا والـرديـفة هميله
ولا قــادنـا مـن يـمـه الـقفر خيال
يـصـبح شديد البدو عــــجل رحيله
قــاد السـلـف واستجنبوا كل مشوال
والعصر يا محـلا تخيبـط نـزيــلـه
وإن شرف البادي عـلى روس الأقـذال
والـمـا كـثـر الـــزول زود جفيله
تـلافـحـت مـا بينــا شهـب الاذيال
ومن ضيع الـــمفتاح يـا عـزتى لـه
ركـبـوا على طوعاتهم كــل عيــال
وكل لبلج يحـرى بـكــــسب النفيله
تـغانـموا المـفزاع ذربيـن الافعــال
مـن قبـل تسبق غارة تنثنـــى لـه
يبغون طوعـه روسـهن قبل الادمــال
وتـغانمـوا خلف كــثـير هـجيلــه
وحال الكمى مــن دون عطرات الاجهال
ومروا ولحقوا مقحــمين الدبيلــــه
واللــى تريض عقبهم يلبـس الشــال
من صنــع داود دروع ثقيــلــــه
يلزم عليهم علة عـقب الانـهــــال
ومن غارته لـزم يـضيع دليـــلــه
والدم مـن قحص الرمـك يثعل اثعــال
يزعج عــلى وروك السبايـا وشيــله
هـذى براعيها مـن المعرقه مـــاله
وهـذى شكـلها مطرق مــا تشيــله
من وقـع كـل مجرب قدله افـعـــال
وفـروخ صـاد الحبارى فـصيــــله
ولـيـا ركبنا فوق عـجــلات الازوال
وبايمنـا حـدب السيوف الصقيلــــه
ومـا حـن نحسب لا شتـبك عج واكتال
وتـرك صـبى يفتنع بالفــشيــلــه
وصلاة ربي عـد مـا زايـــــل زال
على نبى الحـق راعـى الفــضيــله


****************************
الشاعرة عابرة سبيل

[قيدوم]

عابرة سبيل وقصيدة الوداع
الله يرحمها رحمة واسعه
++++++
ترى الذبايح و أهلها ما تسّلينــي "=" أنا أدري إن المرض لا يمكن علاجه
أدري تبي راحتي لايا بعد عينـي"=" حرام ما قصّرت يديك في حاجه
أخذ وصاتي وأمانه لا تبّكينـي "=" لو كان لك خاطرٍ ما ودي إزعاجه
أبيك في يديك تشهدني وتسقيني "=" أمانتك لا يجي جسمي بثلاجه
لف الكفن في يديك وضف رجلينــي "=" ما غيرك أحدٍ كشف حسناه واحراجه
أبيـك بالخيـر تذكرنـي وتطرينــي"=" يجيرني خالقي من نار وهاجه
سامح على اللي جرىمابينك وبيني "=" أيام نمشي عدل وأيام منعاجه
همي عيالي وأنا اللي فيْ كافينـي "=" علمهم الدين تفسيره ومنهاجه
++++
(اللهم ارحمها برحمتك يارب العالمين)

الشاعرالمطلوب بندر بن سرور

[قيدوم]

يـالله ياجال الأمـور المـهمه"=" تجلى وهـج قلب برى حال راعيه
البر دجته والبـحر رحت يمه"="أدرج سـبب حظ على الله مساعيه
يـوم أن ولد اللاش رزقه على أمه" ="رزقي على الي ميت القشع يحييه
ماني وأنابندر... ببياع دمه"="يقطعك يابياع دمه ومهفيـه
اللي يبيـع لابـسـات الأزمـه"=" خبل يبا 00 بيض العماهيـج تغنيـه
يزعل لياجـت ليلة الدول يمه "=" يرضى بسوق المال في أخوه وأبيـه
خطو البخيل اللي يكبر معمه"="يقرأالكتـاب وواجـب الله يخليـه
أما 00 هرج له في رفيقـه بنمـه"="وألا عطى وأمـه تضيـع هقاويـه
وجـداه ياقطع اللحـوم المخمه"=" قريـب واللي قربنه عوانـيـه
++++++
بندر بن سرور


حسب اختيار اللي بعدي
مع ذكر الشاعر

[مجــــــد]

http://www.alshamsi.net/sh3r/mohamed/a6.jpg
*محمد بن راشد المكتوم*

بدأ سمو الشيخ محمد بن راشد آل مكتوم نظم الشعر النبطي
منذ ان كان طالباً في المدرسة،
وتجدر الإشارة إلى إن سمو الشيخ محمد بن راشد عندما بدأ
ينشر شعره في الصحف، تجنب نشرها مذيلة باسمه الحقيقي،
بل استخدم اسماً مستعاراً ليضمن أن تقييم وتذوق القارئ لشعره حقيقي
وليحكم القارئ عليه بكل صدق و إخلاص
لا أن يصدر حكمه تبعاً لمعرفة مسبقة بأن الشاعر ينتمي للعائلة الحاكمة.

http://mjd26.jeeran.com/beautgold.gif


في عيونك ودّ وصدود ورضى ..... وفي اللواحظ شفت نظرات العِتَاب
شفت سهم الموت فيهن واختفى ..... في ضميري يوم ضيعت الصواب
لاتعاتبني على شيء مضـــــى ..... تـِسْمَـــح الزّلات تِجْزى بالــثّواب
بك أنا آمـنت وبحكــــــم القضا ..... كل شي يـكــــون توجد له اسباب
يــا حبيبي بــيــنــنا ود وجــفا ...... في محبــتـــنــا تبادلنا الـعـــــــذاب




http://mjd26.jeeran.com/beautgold.gif

الشاعرة القادمة
*هتـــان*

[ايمان]

أحيانا

احيانا
كالحب ماينفع .. ولا يرجع .. امل مفقود
لان الجرح كان اصلا .. برغم الحب هو المقصود
احيانا
باسم الحب تجرحني
وكنت ازعل .. وكنت اغضب .. وبعد فترة .. تصالحني
واحي ان الامل راجع .. وتو الحب صرخ مولود
ذاك اول
لما كان الامل موجود .. كانت دمعتى شمعة
تضوي لك .. فرح ليلك .. وتطفي مابقى منى
ياللى كنت ياسم الحب تجرحني .. وبعد فترة
تجي بحبك تصالحني
قتلت بعمري الطفلة .. قتلت الدهشة والاحساس
ولاني اليوم مثل اول
بسيطة .. وساذجة .. وسهلة
فهمت ان الالم مقصود .. وعرفت انه لاية شي
لابد ما تكون حدود .. واولها
العطا الحب .. لاتعطي ابد اكثر .. تكون
الخاسر .. المفقود

http://myreverie.jeeran.com/My_Folder/memrose2.gif


واعجبتني لها هذه الخاطره


المستحيل

المستحيل خل وفي
بحب واحد يكتفي
والامل .. في ذا الزمن
ومضة وحدة .. ويختفي

لا وعد توني .. بلقى
ولا هجرتوني .. ببعاد
حب صادق .. بلا هدف

كان الليالي فرقت
والتهيتوا .. بالجداد
صدقونى .. مازعلت
ولا بحر شِعْري نشف

http://myreverie.jeeran.com/My_Folder/memrose2.gif

وأترك لكم اختيار الشاعر(ه) القادم(ه)

[هبولة الدلوعة]

انت ياللي ممتحني وش بلاك

هي دفاشه غلطتك والا جهل

كل يوم ارجع وابين لك خطاك

وان خذيت شوي ماتصبر تزل

قلت لك ياابن الحلال الله يهداك

لاتقول حليل لكنك عجل

عندنا يالبدو مااظن يخفاك

لو تقول حليل للجاهل زعل

بدو حنا بدو مانمزح معاك

انتبه قبل اتوسدها عدل

انتبه للعلم يوم العلم جاك

قبل يحصل شي ماابغاه بحصل

وان كان صيدك مدح خل ماك بسماك

انت مدحك يرفع الضغط ويعل

لاتقول حليل قل الله حلاك

الحليل بسلمنا يعني خبل


خالد المريخي ،، بس كنت ابي اعرف عنوان هالقصيدة اذا ممكن