صدي الحرمــان ( شاعرة قطرية ) [الأرشيف]

عرض كامل الموضوع : صدي الحرمــان ( شاعرة قطرية )

دايم السيف

26-02-2003, 11:24:14 PM

اشرب دموعي سؤال ...!؟

جــيــتــك أمـــــس
فــي مـلامـح . . وجـهـك
أبــحـث عـــن ظــلال
عـــن بـقـايـا عـاطـفه
عـن قـصاصات . . الـجرايد
الــلـي تـحـضن بـالأمـل
روح الـــقــصــايــد
جــيــتــك أمـــــس
و كـــــان حـــرفــي
يـلـعن سـطور . . الـدفاتر
يـمـتزج . حــب و كـآبـه
فـي زوايـا . . قـلب شـاعر
لــوّن الـكـون . . بـعذابه
يـكتب أكـثر . . يـبكي أكثر
تـلـتهب فـيـه الـخـواطر
جـيتك أمـس . . و بقلبي كلمه
كلمه ماتت . . لما فاجأني برودك
لـمـا كـلي صـرت ذكـرى
تـلـتمس روعــة وعـودك
جــيــتــك أمـــــس
و رحـــــت أمــــس
بــــــعــــــد ردك
أشـــــرب دمــوعــي
ســـــــــــؤال ..

دايم السيف

26-02-2003, 11:27:12 PM

إعتــــــذار

لا تـأثر . . مـن كلامي
و لا تضايق . . لاهتمامي
اعـتذر . . ما بيدي حيله
مـا قدر أني . . ما أسألك
أو . . في لحظه . أتجاهلك
اعـتذر . . ما بيدي حيله
تــــدري أنــــك
سـاكـن نـبض الـوريد
و إن حــــبــــك
بـاقـي . . بـقلبي أكـيد
و أني لك . . مثل السحابه
من تشوف . . الوجد ظامي
تمطر . . أشواق و قصيد
اعـتذر . . ما بيدي حيله
كـانت الصوره . . تعاتب
كـل صفحات . . الكتاب
و كانت آمالي . . الحزينه
تـشتكي . . ظـلم الغياب
و أنـت تـتلذذ . بـآلامي
و تـضـايق . لاهـتمامي
شـكثر . لـك ذكـريات
و شـكـثر لـي أمـنيات
تـــنـــتــظــر
صــــوت الــوفـا
يـا حبيبي . . في وصالك
تـبتعد . . و بـكل طيبه
أحــسـب الـقـسـوه
ظـــــلالـــــك
اعـتذر مـا بـيدي حيله
و اعـتذر أيضا . . لقلبي
الــلــي حــبــك
و اعـتذر حـق الخطاوي
الـلي سارت بي . لدربك
و اعـتذر . . لأيام عمري
الــلــي خـانـتـهـا
الـسعاده .. أمـس قربك
و حـتـى و أنـا ابـتعد
مـــنــك أتــألــم
و اعــتــدر مــنـك
و أقــــــــــول
لا تـأثر . . مـن كلامي
و لا تضايق . . لاهتمامي
مـا بـقت بـاليد . حيله
ما بقت باليد . . حيله ..

دايم السيف

26-02-2003, 11:29:25 PM

انكســــارات النخيــل

عـز الـكلام بـخاطري بعض الحروف السائلة
و أنا افترشت الصبح و أبحث للقصائد عن مقيل
و رحـمةٍ بـاللي بـقى مـن بعض عذرا ذابله
و مـالها غـير الـشعر رفقه لها الدرب الطويل
تـقرأ بـياض إحـساسها بـعض العقول الكامله
و تـبكي مشاعرها مع صوت انكسارات النخيل
عـكازتي ضـاع الـوعد و سـود الـليالي عايله
و مـا ظـن فـي يوم الأمل يلقى لخاطرنا سبيل
شـوفي مـعي يـمه بـعض ذيـك النوايا القاتله
ضاقت على ذيك الجراح الداميه . . جرح يسيل
جـف الـكلام و ماتت أطراف الحروف السائله
و أجـمـل مـشاويري غـدت هـمٍ ثـقيل
عـكازتي مـا عـادت ايـديني لـمثلك حـامله
و صوت العجل في داخلي يصم إذن المستحيل
كـنت انـتظر تـمر بـي قـبل الرحيل القافله
حـتى تـعبت و مر بي ليل الألم خوف و رحيل
مـن يـومها و روحـي مع ذيك المخاوف راحله
اسـتعطفت كـل الـقلوب و لا لـقت حلم بديل
يـا خـطوة تـجرحني بها بعض العيون الجاهله
لـو أثـرت فـي داخلي ما شفت لي شيء جميل

دايم السيف

26-02-2003, 11:32:49 PM

خطــــــوة أقداري

تـــذكـــرنــي ..
تـذكـرنـي إذا تـسـمـع
بـليل الـشوق أشعاري ..
و إذا دمـعة طفل سالت ..
أو أشـجار الصبر مالت ..
و شـفت الـناس تتغير ..
و مـأساة الـغدر تـكبر ..
تـــذكـــرنــي ..
و تـذكر صـمتي اللي كان
و اعذرني على اصراري ..
تـذكرني إذا صار الألم أكبر
مـن القدرة على النسيان ..
و أحـلام الـفرح صـارت
مـجرد وهـم لـلإنسان ..
و كــل الـكـون يـخدعنا
و ضـاع عـنا الوفا و ضعنا
مـجال الـلي مـضى يرجع
أو خـيوط الـفجر تـتطلع
عــــلـــى داري ..
و خــل الـصمت يـتبعني
يـسـابـقني iبـمـشواري
تـــذكـــرنــي ..
يـا أبـعد من سراب الشمس
تـذكـر أمـسـنا و بـكره
و لا تـعتب و لا تـشره ..
إذا الـحـب ابـتـدا فـينا
و فـيـنا انـتـهى عـمره
تـــذكـــرنــي ..
لأنــــك أنـــت ..
تـعيش بـداخل أفكاري ..
و لأنـي بـعد ما شفتك ..
و عـــاد الــحـزن ..
يـرسم خـطوة أقداري ..
تـذكرني . . تـذكرني ..

دايم السيف

26-02-2003, 11:34:11 PM

ما أفظع الخـــوف

ما أفظع الخوف و الشوق الذي فيني
من يوم غبت اسكنوا في داخل عظامي
و الصورة اللي في ذاكرتي تناديني
و الوردة اللي تنام ف دفتر أحلامي
أتعب أنا حيل و تتعب مني سنيني
و اركاب عمري تلملم باقي أيامي
يا مضيع العمر .. للذكرى مخليني
يستاحش العمر لا من غاب إلهامي
أروي جفاف .. و جفاف الدهر يظميني
و أدوس وجه الحزن و أسابق أعوامي
ما خاب ظني و حلم الغيث يدعيني
أمشي لو الشوك يجرح ناعم أقدامي
و أواصل الدرب و كل خطوه تبكيني
و يعز دمعي و أنا الموعوده بالامي
و ما أفظع الخوف و الشوق الذي فيني
من يوم غبت اسكنوا في داخل عظامي

دايم السيف

26-02-2003, 11:35:58 PM

يبـــــــه

تـمنيتك مـعي بـاقي تـبدل خوفي اطمئنان
يـا أغـلى من رحل روحي تعايد بك بوجداني
تـطوف الذكرى في قلبي تصحي خافقٍ شفقان
وتـصرخ فـيني اقداري ماعاد يرجع لكم ثاني
واضـيع وتـنولد دمعة على خد الرجا حرمان
واصـيح ويحترق صوتي (يبه) وتعيد احزاني
يـخذلني نـهار الـعيد لا قـبل يجرح النسيان
وذكرتك والحزن ينثر دموعه في ارض حرماني
دعـيتك طـالت الغيبة وفاضت فيني الأشجان
ودعـيت الله يـساعدني على تخفيف اشجاني
ورجـعت اعزف لاعيادي نشيد الارض للانسان
لأن الارض تـبقى وعـمرنا وحده هو الفاني
تـمنيتك مـعي بـالعيد يا قلبٍ يعرف الغفران
لـو ان الـمستحيل اصعب تخطيته على شاني
يـا ويل اللي رهن عمره لحلمٍ طاف والوجدان
وانـا حـلمي رغم صغره من التعذيب اعياني
فـي يوم العيد زارتني مشاعر ترفض الكتمان
تـقـيد بـداخـلي نــار الـحفها بـكتماني
تـعيش بـداخلي صـورة تردد معظم الأحيان
وويـن اهـرب مـن الامي وانا الالآم عنواني

دايم السيف

26-02-2003, 11:39:07 PM

صديقتــــي

صـديقتي .. مـا قلت لك

ان الـلـيالي الـمـظلمة

تضحك على جرح الصدى

وانـت فـي عالمك البعيد

صـديقتي .. مـا قلت لك

مـن يـوم اخلفتي الوعد

رجـعت لاحـزاني وانـا

والـوقت .. جـلاد وعبيد

صـديقتي .. مـا قلت لك

انــي احــس وافـتهم

واشـعر بكل كلمة .. تمر

تـبقى مثل .. وهج الجمر

تــحــت الــرمــاد

لا هـبـت الـنسمة يـقيد

صـديـقتي .. مـا قـلت

صـديقتي .. مـا قلت لك

تـصـرفـاتك مـؤلـمة

والقسوة في .. بعد الصدى

صارت ..في كل لحظة تزيد

صـديـقتي ردي عـلـي

صـديـقتي .. صـديقتي

اكـيـد مـاعـندك عـذر

والـــصـــمــت ..

تــعـذيـب جــديـد

دايم السيف

26-02-2003, 11:42:01 PM

يــا حياتـــــي

عطشى الرمال .. والخطوة

لـعـيـونك ســـراب

مـد الـوصال .. ذا العيد

يــا اغـلـى الـصحاب

يــكـفـي عـــذاب

يـاللي .. لـونت القوافي

ف .. هـــمــســة

جــروحـي الـخـوافي

بــاهــدي لــــك

قــلــب جــديــد

يشهد .. ان انت .. الوحيد

تـمتلك .. نـبضي وحبي

وقــلـبٍ .. وســـط

ضـلـوعـي يـهـتـف

يـــــا حــيـاتـي

كـــــل عــيــد

وانــــت ســعـيـد

كـــــل عــيــد

وانــــا حـبـيـبـك

وانـــــــــــت

حــرفـي والـقـصيد..

دايم السيف

26-02-2003, 11:43:46 PM

خيــــانة عكــازه

ابـد لا تـحزني يـمه اذا خـانتني رجـليني
واذا كـلٍ شـكى هـمّه وانـا همي بقى فيني
واذا خـنجر صداقتهن غرس حده وسط قلبي
واذا عـكازتي خـافت مـن انها تسند ايديني
ولا تـبكين يـا "يـمه" اذا عمري غدى دفتر
وكــلٍ يـمزع اوراقـه ولا ظـنه يـكفيني
ابد لا يجزع احساسك لا شفتي البعض يجرحني
واذا ضـاع الوفا فيهن وضاعت معهن سنيني
عـلى ضـيم الجفا ابقى تنازع روحي الحسرة
واحـس الـظلم يـا امـي يقطع من شراييني
بـسيطة كل الم جسمي تحملته وانا اضحك لك
لـكن الـخوف يا يمه من احساسٍ سكن فيني
يـا حـيف الطيب بالدنيا يضيع وينتهي عمره
يـموت الـطيب يـا يـمه وانا فقري يبكيني
شـيهم ان خـانت الدنيا اذا ارجع لك مثل اول
احـط راسي على صدرك واعرفك ما تخونيني

دايم السيف

26-02-2003, 11:45:58 PM

ســـؤال غبي

سألني من

أحب أكثر

ومن في صوته

أتأثر؟

ومن هو .. فارس احلامي ؟

ولمين اتعذب واسهر؟

بغيت اجاوب عيونه

واقول بكل صراحة

وحب

اني فيه .. "مفتونة"

وانه ساكن اهدابي

وأول وآخر احبابي

صرخ بي

قال: لي .. قولي

كفاية لعب باعصابي

سرحت

وقلت له.. تصّور

اهو اسمه مثل اسمك

ورسمه يشبه لرسمك

وله نفس ابتساماتك

ونظرة عينه مثلاتك

لأني كلما طالعتك

اهيم

بليل نظراتك

وتقريبا مثل طولك!

وصوته

فيه من صوتك!

يداعب مسمعي

وارحل

في دنيا مالها آخر

ويستعمل نفس عطرك!

والمسباح والساعة!

وسئلته

في خجل ظاهر

عرفت الحين؟

وصار يتلعثم المسكين

وقال لي:

للأسف لحظة

تخيلت اني المقصود

بس اليوم

بالصدفة

غيرت العطر

وحطيت

بداله اليوم

دهن العود !!؟

مع تحيـــــــاتي

دايـــــ السيف ــــــــم