طلال السعيد ( شاعر كويتي )

[دايم السيف]

يا عين شوفي

ياعين شوفي كامل الزين يا عين
شوفي حبيبك وافرحي في قدومه

جودي بدمعات الفرح لا تخشين
دمـع الـفرح ياعيني اليوم يومه

هذي حلات الحب صافين الاثنين
كـلن يـبيع الـود لـلي يسومه

ان كـان قالو بالسنه بس عيدين
الـيوم ثـالثهم وبـانت رسومه

احـنا فـرحنا وما نسينا المحبين
مـا ينسا ربعه من يقضى لزومه

الله يـهني قـلوبهم قـولي آمين
والـلي يـلوم العاشق الله يلومه

[دايم السيف]

تعاتبـــني

تـعـاتبني بـنـظرات خـفية
وأجـاملها ولا ادري وش وراها
أجـاوبـها بـنظرات حـزينة
تـعبر عـن ضنا الروح وشقاها
أسـايرها وأجـاوب كـل نظرة
وأخبي الوجد وأبحث عن رضاها
وعـقب مـا شفتها عرفت قلبي
تـنـاساها ولـكن مـا نـساها
غـلاها يـزود مـع زود الليالي
وبـاع الـناس قـلبي واشتراها
وصـرت أغـار أنا منها عليها
خـطا نفسي وآنا أتحمل خطاها
وأغـار مـن أمها حتى وأبوها
وأغـار مـن الذي بأمره ولاها
وأحـسد الـلي تـبره بالرعاية
وأحـسد الـلي بأحاسيسه رعاها
وأحـسد الـبنز لا قامت تسوقه
أخـاف أنـه يـشاركني غلاها
وأحـسد الـريح لا حرك شعرها
وأحـسد عـيون غيري لا تراها
وأغـار مـن القمر لا شع نوره
خذت نور القمر واصبح ضواها
وأحـسد الـشمس لا بانت عليها
أشـعـتها تـسبب فـي أذاهـا
وأحـسد الأرض لا داست عليها
أثـر خـطواتها تـحيي ثـراها
وأغـار مـن الـنجوم إليا تعلت
وشـافتها وعـيني مـا تـراها
وأغـار مـن الـهدوم اذا لبستها
عـساها مـا تـجرحها عـساها
واغـار مـن الـخواتم في يديها
وسـاعتها وكـل الـلي مـعاها
وأغـار مـن القلادة في نحرها
وأغـار مـن الشعر لامن كساها
وأغـار مـن الـقصيدة لا قرتها
ولـو هـي قصتي واشكي جفاها
وتـشمل غـيرتي حـتى المرايا
يـحـق لـها بـشوفتها تـباها
نـعم وأغـار حـتى من الوسادة
وأحـسد فـراشها ويـا غطاها
آلا يـا مـن يـساعدني عـليها
يـوصلني هـوى النفس ومناها
عـجزت أعالج جروحي بروحي
جـروح الـقلب ما تشفى بلاها

[دايم السيف]

قالــــت بـــدو

وقـــالـــت بـــــدو
وصــدت وقـالـتها بـقـرف
بـنـت الأكـابـر والـتـرف
مـتـكـبـره .. مـتـعـالـيه
يـعني بـدوي يـقعد طرف !!

قـــالـــت بــــــدو
والـمـعـنى دون الـمـستوى
مـاحـنـا ويــاهـا ســوى
احـنّا بـنظرها مـن نـكون ؟
ريـشـة يـطـيرها الـهـوى

مـفـهـومهما حـنّـا عــدد
رقـــم ولا أكــثـر بـعـد
يـعـنـي مــجـرد تـكـملة
ولا فــهـي أصــل الـبـلد

قـــالـــت بــــــدو
تـعني صـفر عـلى الـشمال
هــذا عـلى أحـسن احـتمال
تـصـدر حـكم ، مـا تـلتفت
تـحـكم ولا تـتـرك مـجـال

قـــالـــت بــــــدو
مـتـصـورتني بـاسـتـحي
وأتــرك مـكـاني وانـتـحي
وتـفاجئت ، تـغيرت ، تلعثمت
مــا تــدري أنـي بـافتخر
ولـــــي الــفــخـر !!

حـــنّـــا بــــــدو
حـنّـا عـمـى عـين الـعدو
حــنّـا الـبـداوة وضـعـنا
وأهــل الـوفـا هـم ربـعنا
حــنّـا نـتـفاخر بـأصـلنا
يــا بـنـت هــذا طـبـعنا

مـاهـي بــداوة تـلـفزيون
ولا مـسـلـسـل أردنـــي
بــس بــدوي بـالميكرفون
ولا هـــد سـيـفه يـنـثني
ولا بـــدو بـيـت الـسـدو

حـــنـــا الـــبـــدو
حــنـا بـداوتـنا الأصــل
بـالـقمة حـنّـا مــو أقــل
حــنّـا بـداوتـنـا تــراث
مـن جـيل لـي جـيل انـتقل
حــنـا مـعـانـي سـامـيه
نــروي الـسـيوف الـضامية
نــرد الـمـنايا مــا نـهاب
لــو هــي سـعاير حـاميه

حـــنّـــا بــــــدو

حــنّـا الــبـداوة عـيـدنا
مـــا نـاكـل إلا صـيـدنا
مــا نـعـيش عـالة مـجتمع
نـمـوت .. مــا نـمد أيـدنا

حـــنّـــا الـــبـــدو

حــنّـا الــبـداوة بـدمـنّا
مــا نـسـمي أحــدٍ عـمنّا
حـتـى ولــو مـنهو يـكون
لــو هـو زعـل مـا هـمنّا

حـــنّـــا بــــــدو

حــنّـا الــبـداوة عـمـرنا
مـاحـد بـيـصبر صـبـرنا
لأنـهـا مـصـنع لـلـرجال
نـمـشي وتـمـشي بـأمـرنا

حـــنّـــا الـــبـــدو
حــنّـا الــبـداوة أصـلـنا
حــنّـا الــبـداوة فـصـلنا
حــنّـا بــدو مـتـماسكين
وهــذي نـتـيجة وصـلـنا

يــا بـنت يـاللي تـضحكين
قـلـتي : ابـدوي iتـستهزئين؟
غــرج لـبـاسج الأجـنـبي
والـمـشـكلة مــا تـعـرفين
أن الـبـدو أصــل الـعـرب
تـبـغين هـالـكلمة طــرب
صـــــارت نـــشــب

يـــــــا آنـــســـة
يــــــا عــانــســة
يــا ضـايـعة ومـسـتانسة
يــا تـارسـة وجـهج صـبغ
يــا تـارسـة عـينج شـدو
حـــنّـــا الـــبـــدو
ولــو كــان قـلتيها بـقرف
لـــنـــا الـــشــرف
أنّـــــــا بــــــدو

حـــنّـــا بــــــدو
حــنّـا بـداوتـنـا شــيـم
ديــــــن وقـــيّـــم
مــعــنــى كــبــيـر
مــا أظــن مـثـلك يـعرفه
لـــو تـدعـيـن الـمـعرفه
شــــــي عــســيـر
مــا أظــن مـثلك يـاصله
صـعـبه ولاهــي حـاصـله

كــلــمــة بـــــدو !!
تـعـني الـتـمسك بـالـجذور
مـاهـو الـتـخلف والـجـهل
ولا بـعـد حــب الـظـهور
ولا الـتـنـكـر لــلأهــل

كــلــمــة بــــــدو
تــعــنــي الــشــمـم
فـــعـــل وكـــــرم
مـبـدأ حـضـارات الأمــم
حـــنّـــا الــقــمــم
نـــارٍ عـلـى راس الـعـلم
يـشـهد لـنـا سـيـف وقـلم
وإن كــان مـا عـندك خـبر
لـــنـــا الــفــخــر

لــو عـشنا بـبيوتٍ شـعر ..
عــيــشــة ألـــــم ..
عــيــشـة فـــقــر ..
عـيـشـة تـعـلمنا الـصـبر
مــا نـقترض لـجل الـسفر
ونـحـسّـب أيــام الـسـفر
مــــــا نــفــتـرض
ونـعـيش واقـعـنا بـحـذر
وبـالـضيق نـرخص بـالعمر
نـشرب مـن الـماي الـهماج
ونـكـحل نـواظـرنا بـعجاج
وغـسـيـلنا حـفـنة رمــل
هــــــي الــــــدوا
واهـــــي الـــعــلاج
عــيــشــة رضـــــا
مـــاهــي نـــكــد !!
مــا فـيـها تـعـقيد أبــد

ســاعـات مــا نـلـقى ذرا
يـكـفي نـتـلحف بـالـنجوم
وفـراشـنا رمــل الـثـرى
وسـراجـنـا نــور الـقـمر
لا مــــــن ظـــهــر
ونـنـام مــن عـقب الـعشا
ونـصحى قـبل وقـت الـفجر
نـؤمـن بـقـضانا والـقـدر
مـــاهـــو كـــســل
ولا نـعـيـش بــلا أمــل
نــمــلـك طـــمــوح
عـــلـــم وأمــــــل
ونـــرعــى الإبـــــل
ونـــرعــى الــغــنـم
ونـعـزف مــن الـونه نـغم
ونـتـابـع أخـبـار الـمـطر
ونــدوّر الــروض الـخَضَر
ونـــــســـــري ورا
بــــــرقٍ ســـــرى
ولا نــتـراجـع لــلـورى
ونـبحث عـن المرعى العشيب
ومــن شـعيب إلـى شـعيب
مــــــا نــســتـقـر
عـنـوانـنا كـــل الـديـار
تـجـوالـنا لـيـل ونـهـار


نـعـيـش عـيـشه هـاديـه
وهـــذي حـيـاة الـبـاديه
سـنـة الـربيع ، سـنة دهـر
ورغــــــم الــفــقـر
نـخـاف مــن قـولـة أفـا
ونـتـعب عـلـى قـولة نِـعِم
ونـعـيش عـالـيين الـهـمم
مـن فـضل ربـي مـا نخون
نـــرعــى الـــذمــم
ونـركض ونـتعب مـا نـمل

مـاحنا مـثلك لا شغل ولا عمل
مـا غـير بـس أكـلٍ ونـوم
ومن الشحم ضاقت عباتج والهدوم
يــا أسـمـن أنـواع الـحريم
يــا عـايشه عـلى الـريجيم
يـــــــا آنـــســـة
يــــــا عــانــســة
يــا ضـايـعة ومـسـتانسة
يــا تـارسة وجـهك صـبغ
يــا تـارسـة عـينج شـدو
حـــنّـــا الـــبـــدو
ولــو كــان قـلتيها بـقرف
لـــنـــا الـــشــرف
أنّـــــــا بــــــدو

يـالـلـي تـقـولين بــدوي
أنــــــا بــــــدوي
ولــي الـفخر أنـي بـدوي
عـــزمــي قـــــوي
مــــــا أخــــــون
مـــا أبـــوق الــخـوي
يــبـدأ نـهـاري بـالـصلاة
وأصــارع أمــواج الـحياة
مــا ضـاقـت الـدنـيا أبـد
ولانـي مـن أصـحاب الـحسد
أرفـــع ايـديـني لـلـسما
وأطـلـب مـن الله واسـتخير
مــا اقــول يـمـكن ربـما
ولا يـصير .. أو مـا يـصير

مـحافظ عـلى الخمس الفروض
واضـح ولا أحـب الـغموض
ولا أتــلــون والــتــوي
لانــــــي بـــــدوي
مـتـمـسـك بـأصـالـتـي
ولا أغــيــر لـهـجـتـي

أنــــــا بــــــدوي
فــــــي فــزعــتـي
وفــــــي قــومــتـي
وبـــقـــعـــدتـــي
وفـــــي مــشـيـتـي
وفـــجـــلــســتــي
وفــــــي كــلـمـتـي
وبـــنـــخـــوتـــي
وحـتـى عـقـالي ولـبـستي

ولــو قـلتي عـني فـوضوي
مــــــا ضـــرنــي
بـالـحيل يــا بـنت بـدوي

ويـسرني أعرف .. من أنتي ؟
ومــــــن أنـــــا ؟
والــفـرق واضــح بـيـننا

تـدريـن وأدري مـن أكـون ؟
ويـكـفينا نـعـرف بـعـضنا

أنـتـي مـثل عـمر الـزهور
مـــالـــك عـــمــر
مـــالـــك ســنــيـن
شـهـرين ويـجـيك الـجفاف
وتــــذبـــلـــيـــن
وتـصـبح ألـوانـج بـاهـتة
وأنـــا جــذوري ثـابـته

مـاخـذ مـن الـصحرا الـهدو
وإن كــان هــذا يـسـعدج
حـطـي عـلى راسـك يـدج
هـالـمـرة لا قـلـتي بــدو
يــا تـارسه وجـهك صـبغ
يـــــــا آنـــســـة
يــــــا عــانــســة
يــا ضـايـعة ومـسـتانسة
يــا تـارسة وجـهك صـبغ
يــا تـارسـة عـينك شـدو
حـــنّـــا الـــبـــدو
ولــو كــان قـلتيها بـقرف
لـــنـــا الـــشــرف
أنّـــــــا بــــــدو

[دايم السيف]

ليش تزعل



ليش تزعل وانت ماتعرف ظروفي
لـيش مـا تـسمع كلامي للنهاية
اقـتنع بـالعذر تـرضيكم حلوفي
والله ان اللي حصل ماهو برضاية
مـن وعـدني بلتزم بالوعد يوفي
لـيش تلعب بي وتلعب في هواية
وكـان خنت العهد فالحكم معروفي
الـخيانة بـالعهود أكـبر جـناية
كـان قـلبك يرحم الحال ويروفي
والله إنـا مـا لـنا بـالغير غاية
لا تـحسب اني بطير مع الدفوفي
ما اشتري السلعة على سبة دعاية
لا طـرت لي كلمتك يزيد خوفي
واتـعذب مـن خـلاية في خلاية
احـسب ان الـحب وياك مخلوفي
يـوم انا اخصك بحبي مع غلاية
مـا هقيتك تجرح القلب العطوفي
لا يـا بـو وجهين ما هذا جزاية

[دايم السيف]

وشلون باصبر ؟

الـبارحه هـاجت عـلي الـتفاكير
لـيلي قـضيته بين هوجاس وافكار

ولا لـقيت لـما وطـا النفس تفسير
وأصـبحت كني راعي النار والغار

حـزنٍ بـقلبي كـسّر القلب تكسير
لـولا ضلوعي تردع القلب كد طار

عـلى الـذي لـه داخل القلب تقدير
الـصاحب الـلي بيني وبينه أسرار

دار الـزمان وصـار بـالعهد تغيير
مـدري غدر بي مدري الوقت غذار

قـبل الـموادع قـال تذكرني بخير
إبعد وانا ابعد وافرض الحب ما صار

حـنا نـوينا وعـاكستنا الـمقادير
وهـلّت دمـوعه يـوم فكر بالأقدار

قـال الـنهايه جـعل دربك مسافير
حـاول تناسا اللي مضا صير صبّار

قـلت الله اقـوى ما طلبتيه بيصير
غـصب عـليّه قلت ماكنت مختار

يـاللي جـرحت القلب ليه المعاذير
جـرحتني لا تـترك الـجرح تذكار

وشـلون ابصبر كان شفتك مع الغير
وانـا الـذي عـليك من نفسي اغار

[دايم السيف]

جوني ثلاثة

جـوني ثـلاثة كـلبوهم مـحبين
وكـلن بـنفسه حاجتن ما قضاها

قـلت آمروا قالوا نصيناك عانين
وافـزع الـحال اللي حياته شكاها

الاولـى مـجبور في داعج العين
لـكنها خـطبت وغـيره خـذاها

قـلت انت حل مصيبتك يامسكين
تـصبر الـين النفس تلحق هواها

امـا تـولع في هوى ناس ثانين
والا تـسرح ثـم تـسرح معاها

والـثاني الـي عذبه كامل الزين
واقفت وراحت مادرى وش بلاها

قلت انت لاتتبع هوى ناس خالين
واتـهين نـفسك من سبايب جفاها

نـفس العنا بالك تذلك على الشين
خـلك عزيز النفس وأقطع رجاها

والـثالث الـلي ماعرف للمزايين
يـبي الـهوى ويخاف من منتهاها

قلت انت بالك تدخل الحب هالحين
لـيما هـذيك البنت ابحث خفاها

كـانك لـقيت احباب قلبك حبيبين
ادخـل واحـذر لايـصيبك عناها

وكـانك لـقيت انه نوايا شياطين
بـالك تـوهق بـالمحبه وشـقاها

[دايم السيف]

لاعنــــي

كـلـه سـبب مـن لاعـني بـالموده
وأقـفـا وخـذ روح الـمعنّى خـذاها

أربــع سـنـين بـالـدقيقه نـعـدّه
نـشرب كـدايرها ويـشرب صـفاها

مـالي جـذى غـير بـس دمعة وونّه
تـلعب بـي الحسرات وأمشي بهواها

أعـض سـني فـي بـهامي من الندم
ذي حـالة الـلي حـاجته مـا قـواها


أقـنب قـنيب الـذيب وأعـول عويله
لامـن تـقرّت عـبرتي جـا سـواها

غـربلني الـمجمول وأحرق ضميري
حـط بـحشأي جـروح تـنزف دماها

أنــا عـذابـه مـشتقٍ بـه مـعنّى
وهـو بـعذابي بـين ربـعه تـباهى

أنـا شـرين الـقرب مـنه بـروحي
وعـرضت لـه روحي وهو ما شراها

أنـا أعـطيته كـل عـطفي وحـبي
وطـلـبت مـنه كـلمةٍ مـا عـطاها

يـشـوف حـالي مـايهوّن مـصيبتي
يـضـحك وأنــا روحــي عـناها

طواها قلبي عليه وقلب خلي على الصفا
نـفسي قـوتني وهـو نـفسه قـواها

أشـكي مـن الحرمان وأبكي من الجفا
جـروح الـعليل الـكايده وش دواهـا

تـرجـمت ونـاتي بـمعنى قـصيدي
وأرجـي عـسا يـبكي لـها من قراها

يـقولها الـلي حـطّم الـبين ضـامره
واعـيـني الـلي نـومها مـا هـناها

[دايم السيف]

ليــــش

ليش تزعل وانت ماتعرف ظروفي
ليش ما تسمع كلامي للنهاية

اقتنع بالعذر ترضيكم حلوفي
والله ان اللي حصل ماهو برضاية

من وعدني بلتزم بالوعد يوفي
ليش تلعب بي وتلعب في هواية

وكان خنت العهد فالحكم معروفي
الخيانة بالعهود أكبر جناية

كان قلبك يرحم الحال ويروفي
والله إنا ما لنا بالغير غاية

[دايم السيف]

صمـــت الوداع

فارقت من لاكان ودّي أفارقه
عقب الصلاة وتوّها الشمس شارقه

الفجر يوم الناس تسعى لرزقها
أنا عيوني بازرق الدمع غارقه

بكى وأنا أبكي يوم وقّفت أودعه
والكل منّا يذرف دموع حارقه

سلّمت ويديني بياديه ترتجف
ويديه بيديني من الخوف عارقه

وأقفا وأنا قفيت والصمت حيلتي
عز الكلام ودمعة الياس فارقه

وحسّيت كن القاع حدري تزلزلت
يوم ألتفتلي وأستهلّت غوارقه

سرقت من دنياه لذّات دنيتي
برضاي سارقني وبرضاه سارقه

همّي وهوجاسي وحبي وغيرتي
للي بوسط القلب ناصبٍ بيارقه

وعوّدت للمطلاع حزينٍ ملتجي
والقلب مّني طارق الهم طارقه

ضلعٍ ورا المطلاع شوفه يريحني
عسا الحيا يسقيه لالاح بارقه

كتبت في عاليه حرفي وحرفها
ورسمت قلب الحب والسهم خارقه

ذكرى غرام مات من قبل ينولد
بفراق من لا كان ودي أفارقه

[دايم السيف]

ودعتــــــها

ودعتها واخفيت عنها دموعي
خايف تحس بحسرتي والتياعي
ودعتها والقلب مني جزوعي
جزعٍ من الفرقا قليل المساعي
حيث الفراق لمن تولع يلوعي
لوعات فرقاه ماوراها اجتماعي
في لحظة التوديع هديت روعي
بيني وبين النفس قمة صراعي
اخفيت ما حسيت بين الضلوعي
خايف عليها لا تحس بضياعي
قالت فمان الله وانطر رجوعي
واشرت بالتوديع حال استماعي
ساكت ولا رديت ماهي طبوعي
من عبرتي تفرض علي امتناعي
حان الرحيل وحان وقت الفجوعي
واقفت وأنا عيني عليها تراعي
بين الرجا واليأس صبري يموعي
على الوداع اشلون قلبي استطاعي
من عقبها اسهر مسندي راس كوعي
لأنام خالي البال تميت واعي
تومي بي الحسرات من غير طوعي
هذا الغلا ماهو غرام صناعي
اقنب كما ذيبٍ تقفاه جوعي
لامن ذكرت فراق حلو الطباعي
اللي لاجله هان عندي خضوعي
والله مانسى دمعته في وداعي

[دايم السيف]

ياللي زعلـــــت

ياللي زعلت أزعل ولا ني مراضيك
اشرب كدر ماي البحر كانه أرضاك
لاتحسب اني عقب صدك بداريك
بعز نفسي عنك مدراك مدراك
اربع سنين وانا متحمل تغليك
راضي بتعذيبك لجل قلب أغلاك
وخليتني واليوم والله لخليك
وأدوس قلبي لينه يقول خلاك
قبل توريني الحسايف بوريك
ليمن قال فلان هانك ووراك
كانك تحداني فانا اقبل تحديك
وانسى الغرام اللي مضى واتحداك
ماني بقايل لك عسى الله يهنيك
الله يحرمك كل ماكان هناك
عسى العمى ياخاين العهد يعميك
فوق الغرور اللي عن الماضي اعماك
وعساك ماتسمع قريب يناديك
حيثك تجاهه صوت محروم ناداك
وعسى الشلل يعوق رجل تمشيك
لينك تندم ليش غيرت ممشاك
وعسى حياتك بس فرحه لشانيك
يلقا بها الفرصه عدوك ويشناك
وعسى الليال اللي تجيني بطاريك
يصبح عليها الصبح وتموت طرياك
وعسى المنام وكل راحه اتجافيك
آمين حتى اللي تمناه يجفاك
وعساك ماتفرح وتكثر بلاويك
وأمك تشق الجيب من عظم بلواك
ولا مت ، جعلك في جهنم اتصاليك
نار الجحيم ونار دنياك تصلاك
الله يكره فيك حتى دوانيك
غشاش خاين من من الناس داناك
هذي النهاية روح والله يجازيك
امسك ويومك عن هوى الغد يجزاك






مع تحيــــــــــاتي

دايــــــ السيف ـــــــــم