قاف للسحيمى [الأرشيف] - منتديات جار القمر

قيدوم

21-09-2002, 07:29:59 PM

هلا مع غلاء

يامرحبا ياهل التوحيد والسنه
ترحيبة طيبه ولابها منه
والله يختم عواقبها لناجنه
والنارماتحرق الارجل واطيها

سلام رديه من داخل المنتداء --- ردية طيبه من طيب سماعها
والثانيه للسحيمى عطرها ونداء---لعل جاب الذبيحه معلق كراعها

تحياتي

السحيمي

21-09-2002, 08:28:25 PM

حياك الله اخوي قيدوم

يامرحبا فيك ياقيدوم من طيبك === رب الملا يحقظك يالقرم ويثيبك
ياصاحبي نشكرك والهم مايصيبك== والنار ماتحرق الا رجل واطيها

فيك البقاء يارفيق الخير والله هداء
...................... جينا على مهرة ا تسرك اطباعها

تسرنا يارفيق الخير خوتكم == في ملعبت نت لبينا لنخوتكم
جبنا الذبيحه ترانا لجل دعوتكم == والنار ماتحرق الا رجل واطيها

طلتك مثل القمر ياصاحبي لابداء
............................. والشاه في قدرهاوامريت بذراعها

السحيمي

21-09-2002, 10:52:07 PM

ماني صابرلما اترد
جار القمر منتدى طيب ترى كله == رفيق مملوح طول الوقت ماتمله
لا شك تال الليالي طبته شله === والنار ماتحرق الا رجل واطيها

قيدوم قم قوم كدك لايروح سداء
................................ انشد عن اللي شراها واللذي باعها

ياصاحبي بعضهم كذبان طماعه === وبالمنتدى ناس حواته وبياعه
حتى الحصاني غدت من جملة سباعه == والنار ماتحرق الا رجل واطيها

والله لولا يقولون السحيمي غداء
.............................. لابين الكم حصانيها من ضباعها

قيدوم

21-09-2002, 11:02:12 PM

هلا ياالسحيمى اسعدنى ردك حياك اخوي --واسف على التاخير

جارالقمر جدد الملبوس ودربي
يصاحبى مانبي الامثلكم ذربي
هبت هبوب الشمال ونوهاغربي

والنارماتحرق الارجل واطيها

هذا العشم ياعريب الخال والجداء----- حياك يراعي المهره على باعها
طلتك محد يما ريها لك الله بداء----- والظا هران الدسم ما يعمربصا عها

تحياتي

قيدوم

22-09-2002, 12:37:46 AM

اخوى ماشفت ردك الثاني والله جالس انتظر اترد شفتك تاخرت رجعة للموضوع ولقيت ردك

وهذا اللى اخرني

الكذب مقصوره علي اتبا عه
بل المنتداء مشرفين بتا عه
لاشا فوالثعل جودواذراعه
والنارما تحرق الارجل واطيها

ياالسحيمى زم زم لايهمو نك عداء--- اترك اهل الخسا يرمع سلاعها
جارالقمرله ميزه فريده
حبه مع الدم يجري وريده
والناس عقا لها مطا لع مريده
والنار ماتحرق الارجل واطيها

تراء راعي الحق لاشافه الطاغي حداء----لابد ما يطلع راعي الكذبه ورضا عها

تحياتي لك

السحيمي

22-09-2002, 12:39:18 AM

اخوي تسلم
بس البيوت الاوله الشطر الاول
المنتداء وربما تكون المنتدى الف مقصوره لكن ماشي بس الاخير
صار الجدا ء بالتشديد وهذا مخالف ارس لك على قافيه
ترى السحيمي مايبيله اختبار واستفتاء بس انا احييك لشخصك واعتبرها اخويه بيني وبينك اما استفيد منك والا مني تستفيد وحياك الله وبعدين لاتسري( بداء) لي ليه تردها
المسأله صفه وياغالب يامغلوب( وباعها) لي دور غيرها انت عارف التسري بقانون الشعار مرفوض
اعتبرك مارديت علي ههههههههههههههه

قيدوم يالابسن لك ثوب من سوقه
من حر ماله شرى ماجاه من بوقه
قاف مسويه ضاع اليوم طاروقه
....................................... والنار ماتحرق الا رجل واطيها
ياستاذ طالبك مثل النمر لنه عداء
.............................. احذر تغرك نفوسن قلت اسناعها

والله عجايب على مثلي تسويها
لوكان غيرى ترى لك مايمشيها
لوعالت الناس من طبعي اجاريها
................................... والنار ماتحرق الا رجل واطيها

السابق اللي معي كل مايطول المداء
.................................. حيث الاصايل مداها بطول منجاعها

السحيمي

22-09-2002, 01:33:25 AM

اخوي ماشفت ردك نويت بس ردك اخجلني

صدقت والكذب له ناس يسوونه
اما نعاصيل والا اعقول مجنونه
والكذب راعيه ربعه مايدانونه
.............................. والنار ماتحرق الارجل واطيها

صدقت ماهمنا راع الخنا والرداء
................................. اللي بجار القمر بانت لنا انواعها

ابا اعتذرلك انا ياحر ورادي
بالعون طيبك غمرني يابن الاجوادي
نشهر عن اللي يهبهب كنه الرادي
.............................. والنار ماتحرق الا رجل واطيها

قلوب بعض البشر متحلله من صداء
.................................. الحقد لوينصحوه الناس ماطاعها

قيدوم

22-09-2002, 01:36:06 AM

الصاحب اللى يبي يدرس الطالب
الظاهرانه عكس الموجب السالب
وناهقيته لعلم الطيب الى جالب
والنارماتحرق الارجل واطيها

انته تدور عشاها والعرب بل الغداء----والنيه الطيبه يا زين ميداعها

مابه عجايب حبال المدنطويها
لوكان غيري لبد يقول وشفيها
والمخطيه من صغيرالسن نخفيها
والنارماتحرق الارجل واطيها

السابق اللى معك ماقول فيها رداء---- لبدميا صلك معلوم من راعها

وتصبح على خير

السحيمي

22-09-2002, 02:06:09 AM

ترى السحيمي لكم لو يدمح الزله
من طيب ماهي لكم يالقرم من ذله
واللي يضيع طريقه ودنا ندله
..................... والنار ماتحرق الا رجل واطيها

قيدوم ماودنا نحسيك ضمن العداء
........................... والنفس لامن طغت موجود رداعها

قول اللذي تعرفه ياصاحبي قوله
ان جيت بالعرض والا جيته ابطوله
عيبا تخلي لنا دعواك مجهوله
........................ والنار ماتحرق الا رجل واطيها
انا مدرسك ياقيدوم فينا اقتداء
............................ قبلك رجالن ندرسها مع ابداعها

السحيمي

22-09-2002, 02:37:50 AM

عزيزي قيدوم
اتمنى اني انا وياك بصفه
اشكرك جدا
ابي اسوي لك قصيده ابيك ترد عليها
اكيد ترد
تبغى الصحيح والا انافقك
الشاعر مايسري يعني بيت قاله ماودنا نقول خصمه نقول خويه ماييعيد آخره
مثل رداء. باعها بمحاورتي انا وياك
ردك
الكذب مقصوره على اتباعه الى الوقفه ناقصه زيدها كلمه حتى تكون موزونه على لحن الموال
ولجنة التحكيم شاهدين
وموال
جار القمر له ميزه فريده الي الوقفه عيد النظر فيه وكمله على اللحن
تراه ناقص
انا استاذ ومن دق الباب يتحمل الجواب
ويقبله بصدر رحب
حتى يصير شاعر متمكن
وتقبل تحياتي والى اللقاء باختبار الترم الثاني
هههههههههههههههههههههههه

قيدوم

22-09-2002, 02:57:47 AM

الله يكفينا شرك شكلك عصبى انتبه تراء معى ظغط احملك المسؤليه

من عادة اهل الوفاء اتزيد في مده
لايلحقك شك يارجال فى نده
تراء الخوي للخوى يمون فى رده
والنار ماتحرق الارجل واطيها

ياالسحيمى حشمتك حشمتي ورقاءشداء--- والنفوس الطاغيه لاتفك شراعها

العلم واضح ولابه شى الك خافي
وان جيتها عرض والاطول يكا فى
يصا حبي لاتعود لي منكا في
والنار ماتحرق الارجل واطيها

انته تمن الدروس و ناقد ينقداء---تراء بحور العلوم انضيع فى تلاعها

تحياتي لك

قيدوم

22-09-2002, 03:18:12 AM

اول انا ماشككت بشاعريتك اوبشعرك

ويسعدنى النقد الهادف ويفيدنى بعض الملاحضاة صحيحه والبعض لا

اخى لاتنسى اننا نكتب وعند الكتابه يقل الحرص على الطاروق ويحصل النقص البصيط

والذى مايخلف المعنى وبعدين ياعزيزي بلاش مدح نفسك كثير لانك شاعر وشعرك يكفيك

واذا تبى تدرس طلابك بلاش كثرالمن والذى يسء لك قبل طلابك وانا واحد منهم

تحياتي للجميع

السحيمي

22-09-2002, 03:38:45 AM

يا خي قيدوم لونه يرتفع ظغطك
ذنبك ترى يا جودي ذنبك على جنبك
يدفع لكم ديتك منهو لنا حطك
..................................والنار ما تحرق الا رجل واطيها
الضغط لا يرتفع وتموت يا بو هداء
...................................والضر س لنه رقل شيله بمقلاعها

نبي نعلمك يا شاعر تبادعنا
حنا ندلعك وانته ما تدلعنا
والله ما حب أنا انكف مار طاوعنا
....................................والن ار ما تحرق الا رجل واطيها
إليا تضايقت خذلك تمشيه للهداء
...............................روح عن النفس ديره زين مرباعها

السحيمي

22-09-2002, 04:01:13 AM

اخي قيدوم المسأله ليست مدح للنفس المسأله
اختبار ومن حقي ادافع فانا متهم بتنزيل قصائد ليست لي
هذا من ناحيه وانت ماجيت طالب انت جيت مدرس تختبر طالب
متهم بالغش والسرقه
وانا امدح نفسي ابد ما امدحها انا اوضح لك انني ماهو انا اللي يسوى له اختبار
وعمري مامدحت نفسي وراجع مواضيعي بالمنتدى او بغيره واين المن كما قلت لك انت مختبر ولو كان الموضوع غير كذا وسويت قصيده وفيها اغلاط لكتبت لك رساله خاصه بادب واوضح لك الملاحظات اللي في قصيدتك اما الان الوضع يختلف واي هفوه منك لن اسكت عليها وابد النقص نقص حتى لو كان حرف لانه لحن مغنى يجب ان يكون موزون وانا ماامدح نفسي لكن راجع ردودي عليك اي نقص او ترديد لا تغفره لي
واحب ان اوضح لك ان الاتهام هو اللي جبرني ارد عليك بهذه الطريقه لثقتي انه اختبار فليكن صدرك رحب وستجدني مختلف الرد لو كتبت لك موضوع وشفته وياما شفت بالمنتدى قصيد اساء للشعر النبطي هذا الموروث الذي واجبنا المحافظه عليه جميعا
ولا تاخذك الظنون باني مداح نفسه وانا اعرف ان مداح نغسه كذاب بس الوضع هنا يختلفلانني اتكلم بلغة الواثق لك تحياتي

قيدوم

22-09-2002, 05:07:28 AM

ابوك منته محرك شعره براسى
ميرانتبه لاتطيح الاانت متواسى
حطيت لك فخهاوطبيت رواسى
والنار ماتحرق الارجل واطيها

الموت علمه بيد الواحد نواحداء---مبروك لضروسك اللى مات زراعها

منته معلم وشلت الطعم فى زورك
تراء الدلع للبنه صف طابورك
والله ماشلت همك سوق بابورك
والنار ماتحرق الارجل واطيها

الياتضايقة اصللى لواحد يعبداء--- والاانت نفه على النفس بنعناعها

تحياتي

السحيمي

22-09-2002, 05:48:37 AM

قيدوم خمني انا انك واحد منسم
عجزت افهمك لكن ثور ماتفهم
لاشك ودك تشق الثوب ثم الطم
........................... والنار ماتحرق الا رجل واطيها
انهضك مثبور ماودك طريق الفداء
.............................. ودك تموت ابقهر لو صرت بداعها

الين وصفك تقل ياخوك جيزاني
ماتفهم العلم قمت تلت عجاني
اذكر وليك تعوذ فيك شيطاني
,,,,,,,,,,,,,,,,,, والنار ماتحرق الا رجل واطيها

بدعك غدى خثرده منته لمثلي لداء
............................ من كثر لتك وعجنك كبدنا لاعها

ياراعي القخ احذر فخك ايصيدك
لايجيك سهم المنيه يافتى من ايدك
تروح فطسه تحول للعزاء عيدك
.................... والنار ماتحرق الا رجل واطيها
اقضم على شمتك خزن سمومن وداء
..................................... ماعاد تعرف نصايفها من ارياعها

السحيمي

22-09-2002, 06:26:41 AM

من كثر ماهو مخزن قات مع شمه
باسبابها ياملا متخثرن دمه
لو شحت له بالعصا صيح يريد امه
................. والنار ماتحرق الا رجل واطيها

الجد بيني وبينك والخبر مبتداء
............................ يامكتسي ثوب رقعته من رقاعها

لاتحسبن السحيمي فيك مهتمي
آقدرك ياخوي الخير مثل امي
ماريد سبك لو الكلمه على فمي
.............................. والنار ماتحرق الا رجل واطيها

احذر تصير الحطب للنار ياموقداء
................................... لابد روحك تشوف بيوم مصراعها

قيدوم

22-09-2002, 05:42:11 PM

قيدوم يلعب بحكمه وطيب الامثالي
والاانت مارد تصك من جال الى جالى
جسمك كبيروعقلك عقل الاطفالى
والنار ماتحرق الارجل واطيها

حنا شبابه نداوي عيونك الرمداء---ونكسيك ثوبك نهاريغيب فراعها

اشيل بهمومها وزودفى همك
والتايهه ماتجي الاعلى دمك
وش عاد خليت يامكثروصخ فمك

والنار ماتحرق الارجل واطيها
---------------------------------------------------------
اول شى -- انا ماجيت اختبرك ياالسحيمي -وشعري على قد الحال-اما قصائدك المنشوره
فهى فيغنى من اطرائى بها--محاورتك تخلو من الحكم المفيده- وشتبي بعد
اخي انا خارج موضوع التهمه لئنى مااعرفك-والى مايعرفك يجهلك
مبروك لك انت الفايز امر ترا اقولها بصدق 0ونتهك الجوله والهدف الاستفاده ياذرب اليمين
ارجومن كل قلبي انكو جميعا قدوه للمنتدايات الاخري واعنى الكل اخوان وخوات
قبل ماترد ارجوك ياالسحيمي تسمى بالله وتشرب مويه بارده -تحياتي-نسيت تبى قات

السحيمي

22-09-2002, 07:14:26 PM

اولا حياك الله وبارك الله فيك
ترى السحيمي اخوك والشعار تصل بينهم اكبر من كذا
وينسونها عندما تنتهي المحاوره والهدف من الشد بالعب
شحذ حماس الصفه
وتراني شربت ماء ولاني راد عليك والدعوى مزوح وتروح
بس الله يسامحك فمي اكثر وصخه تبي لها قصيده لحالها
هالكلمه
الحكم مكانها ماهو المحاوره المحاوره قدح وانت عارف
تحياتي والله القات ماينبت بديرتنا ولاعرفه ولا ارسلت لك حزمه
ههههههههههههههههههههه
الرد الاخير شكلك مخزن ههههههههههههههههههههه